సహజంగానే ప్రతి హీరోయిన్ ఒక్క బాలీవుడ్‌ సినిమాలోనైనా నటించాలనుకుంటారు.. కానీ ఇప్పుడు సీన్‌ రివర్స్‌ అయినట్లు కనిపిస్తోంది. బాలీవుడ్‌ హీరోయిన్స్‌ తెలుగు టాప్‌ హీరోలతో ఆడిపాడేందుకు సిద్ధమయ్యారు. ఇప్పటికే పలువురు హిందీ హీరోయిన్స్‌ టాలీవుడ్ హీరోల సరసన నటించారు. బాలీవుడ్‌ స్టార్ హీరోయిన్ల దగ్గరనుంచి అప్ కమింగ్ హీరోయిన్ల వరకూ టాలీవుడ్ హీరోలతో జత కడుతున్నారు. బాలీవుడ్‌ హీరోయిన్స్‌ టాలీవుడ్ ఎంట్రీతో సౌత్‌ హీరోయిన్స్‌ కు టాలీవుడ్ హీరోలతో నటించే ఛాన్స్‌ దక్కకపోవచ్చు అనే చర్చ జోరుగా సాగుతోంది.
దీనికి బలాన్ని చేకూరుస్తూ… టాలీవుడ్ అగ్ర హీరోలలో ఒకరైన రాంచరణ్.. ప్రముఖ దర్శకుడు శంకర్‌ దర్శకత్వంలో తెరకెక్కుతున్న సినిమాలో హీరోగా నటిస్తోన్న సంగతి తెలిసిందే. ఈ సినిమాలో రాంచరణ్‌కు జోడీగా బాలీవుడ్‌ హీరోయిన్ కియారా అద్వాని నటిస్తోంది. అటు ఎన్టీఆర్‌ పాన్‌ ఇండియా హీరోగా తెరకెక్కుతోన్న ఎన్టీఆర్‌ 30 సినిమాలో ఎన్టీఆర్‌ సరసన జాన్వీ కపూర్‌ నటిస్తోంది. అంతే కాకుండా మహేష్‌ బాబు, రాజమౌళి కాంబినేషన్‌ లో వస్తోన్న మూవీలో కూడా ఓ బాలీవుడ్‌ హీరోయిన్ నటిస్తోందన్న ప్రచారం జరుగుతోంది. ప్రభాస్‌ నటిస్తోన్న ప్రాజెక్ట్ కే మూవీలో సైతం బాలీవుడ్‌ హీరోయిన్ దీపికా పదుకొనే నటిస్తోంది. అయితే ఇప్పుడు టాలీవుడ్ లోని అగ్రహీరోలంతా బాలీవుడ్‌ భామలను తీసుకోవడంతో టాలీవుడ్ హీరోయిన్స్‌ కి బిగ్‌ షాక్‌ అనే చెప్పొచ్చు.. పాన్‌ ఇండియా సినిమాల ప్రాధాన్యం పెరగడంతో టాలీవుడ్ హీరోయిన్స్‌ రేంజ్‌ తగ్గడంతోనే వారికి అవకాశాలు తగ్గాయన్న టాక్‌ వినిపిస్తోంది.
