బ్లాక్‌రాక్..500 మిలియన్ డాలర్ల మోసం!

అమెరికాలోని భారత మూలాలున్న టెలికాం వ్యాపారవేత్త బంకిమ్ బ్రహ్మభట్ట్ 500 మిలియన్ అమెరికన్ డాలర్ల (సుమారు ₹4,000 కోట్లు) విలువైన రుణ మోసానికి పాల్పడ్డారని ఆరోపణలు వచ్చాయి. బ్లాక్‌రాక్ మద్దతు ఉన్న HPS ఇన్వెస్ట్‌మెంట్ పార్ట్‌నర్స్ అనే రుణదాతకు ఈ మోసం సంబంధం ఉందని వాల్ స్ట్రీట్ జర్నల్ (WSJ) నివేదించింది.

బంకిమ్ బ్రహ్మభట్ట్‌కు చెందిన బ్రాడ్‌బ్యాండ్ టెలికాం మరియు బ్రిడ్జ్‌వాయిస్ కంపెనీలు నకిలీ కస్టమర్ ఖాతాలు, కృత్రిమ ఇన్వాయిస్‌లు సృష్టించి, వాటి ఆధారంగా అమెరికా రుణదాతల నుండి భారీ మొత్తంలో రుణాలు తీసుకున్నారని ఆరోపణ. బ్లాక్‌రాక్ మద్దతు ఉన్న HPS ఇన్వెస్ట్‌మెంట్ పార్ట్‌నర్స్ ఈ మోసం వల్ల ప్రభావితమైన సంస్థల్లో ఒకటి. ఆగస్టులో రుణదాతలు దాఖలు చేసిన కేసు ప్రకారం, బ్రహ్మభట్ట్ ఉన్నట్టులేని ఆదాయాలను తాకట్టు పెట్టి రుణాలు పొందారని పేర్కొన్నారు. ఆయన కంపెనీలు ఇప్పుడు చాప్టర్ 11 దివాళా ప్రక్రియలో ఉన్నాయి — అంటే సంస్థలు కార్యకలాపాలు కొనసాగిస్తూ అప్పుదారులతో చర్చించుకునే నిబంధన.

ఈ రుణాలు బిఎన్‌పీ పరిబాస్ భాగస్వామ్యంతో HPS ద్వారా మంజూరు చేయబడ్డాయి. సెప్టెంబర్ 2020లో మొదటి రుణం ఇవ్వబడింది.2021 ప్రారంభానికి అప్పు $385 మిలియన్లకు పెరిగింది.ఆగస్టు 2024 నాటికి $430 మిలియన్లకు చేరుకుంది.

ఈ ఘటన ప్రైవేట్ రుణ మార్కెట్‌పై కొత్తగా ఆందోళనలు రేకెత్తించింది. ఈ రంగంలో ఎక్కువగా ఆదాయ అంచనాలు లేదా వ్యాపార ఆస్తుల ఆధారంగా రుణాలు ఇస్తారు. ఇటీవల ఫస్ట్ బ్రాండ్స్, ట్రైకలర్ ఆటో డీలర్ చైన్ వంటి సంస్థలలో కూడా ఇలాంటి మోసపూరిత రుణ వ్యవహారాలు వెలుగుచూశాయి.

Also Read:రూమర్స్‌పై డీవీవీ దానయ్య!