బయో గడియారం అంటే ఏంటో తెలుసా?

మారుతున్న కాలానికి అనుగుణంగా ఉద్యోగుల పనివేళల్లో మార్పులు జరుగుతున్నాయి. మీడియా, ఐటీ, ఫార్మా వంటి వివిధ రంగాల్లో 24 గంటలు కార్యకలపాలు జరుగుతూనే ఉంటాయి. దీంతో ఉద్యోగులు షిఫ్టుల వారీగా ఎప్పుడైనా పనిచేయాల్సి ఉంటుంది. దీంతో శారీరక మరియు మానసిక సమతుల్యతను దెబ్బతిని ఆరోగ్యంపై తీవ్ర ప్రభావం చూపుతోంది. ఈ నేపథ్యంలో బయో గడియారం అనే కాన్సెప్ట్ తెరపైకి వచ్చింది.

ఎలా అంటే మనం ఉదయాన్నేఎక్కడికన్నా ప్రయాణం చేయ్యల్సి వస్తే తెల్లవారుజామున 4:00 గంటలకు అలారం సెట్ చేసి నిద్రపోతాము. కానీ కొన్నిసార్లు మనం అలారం లేకపోయినా అనుకున్న టైంకి నిద్ర లేస్తాము. ఇదే బయో-గడియారం.చాలామంది 80-90 సంవత్సరాల వయస్సులో చనిపోతారని సాధారణంగా నమ్ముతారు. 50-60 సంవత్సరాల వయస్సులో అన్ని రోగాలు వస్తాయని మనసులో గాఢంగా నమ్మి చాలామంది తమ సొంత బయోక్లాక్‌ ను ఏర్పాటు చేసుకున్నారు.

అందుకే సాధారణంగా 50-60 వద్ద ప్రజలు అనారోగ్యం పాలవుతారు. మనం మనకు తెలియకుండానే బయోక్లాక్‌ ను మానసికంగా తప్పుగా సెటప్ చేస్తాము. చైనాలో చాలా మంది ప్రజలు 120 సంవత్సరాల వరకు ఆరోగ్యంగా జీవిస్తారని నమ్మి ,అలా మానసికంగా సంసిద్దులై వారి బయోక్లాక్ ను అలా ఏర్పాటు చేసుకున్నారు.

మనము మన బయో-గడియారాన్ని మానసికంగా పాజిటివ్ ఆలోచనలతో సర్దుబాటు చేసి, రోజు క్రమం తప్పకుండా *ధ్యానం* చేస్తే తద్వారా మనం *కనీసం* 100 సంవత్సరాల వరకు *ఆరోగ్యంగా * జీవించవచ్చు. 40 నుండి 90 సంవత్సరాల వయస్సులో ఎటువంటి వ్యాధి వచ్చే అవకాశం లేదని మనం నమ్మాలి. వృద్దాప్యం అనేది 120 సంవత్సరాలకు మొదలు అవుతుందని బలంగా నమ్మాలి.

వెంట్రుకులకు సహజ సిద్ధమైన మంచి రంగు వెయ్యండి.యవ్వనంగా కనిపించే ప్రయత్నం చేయండి. ముఖ్యంగా డ్రెస్ విషయంలో కూడ యువతి, యువకుల మాదిరి డ్రెస్ వేసుకునే ప్రయత్నం సాధ్యమైనంత వరకు చేయండి. తద్వారా మనలో కాన్ఫిడెన్స్ లెవెల్స్ పెరుగుతాయి. యెట్టి పరిస్థితులలో వృద్ధాప్యంగా కనిపించడానికి మన మనసుని అనుమతించవద్దు.

Also Read:ఢిల్లీకి మంత్రి కేటీఆర్..

మనం తీసుకునే భోజనం కల్తీ అనీ, కలుషితం, అనుకుంటూ ‘నెగటివ్ థాట్స్’ తో తీసుకోవద్దు. *ధ్యాన శక్తి వల్ల నేను తీసుకునే ఆహారం పరమ పవిత్రమైనది గా మారింది, ఇది నాకు నిత్య యవ్వనాన్ని, సంపూర్ణ ఆరోగ్యాన్ని నిండు 120 ఏళ్ల జీవితాన్ని ఇస్తుంది అని పరిపూర్ణంగా నమ్మండి. ఎప్పుడూ చురుకుగా , Active గా ఉండండి. వయసు పెరిగే కొద్దీ ఆరోగ్యం పెరుగుతుందని నమ్మండి.

ఆనందానికి, వ్యాధికి పడదు. ఒకటి ఉన్నచోట ఇంకొకటి ఉండదు. కనుక ఆనందంగా ఉండండి తద్వారా ఆరోగ్యంగా ఉండండి. ప్రతి సమస్యకు కారణం మన మనస్సు.మన ఆలోచనా విధానం. ముఖ్యంగా సరదాకు కూడ…. నాకు వృద్ధాప్యం వస్తుంది అనే మాటను అనకండి. ఖాళీగా ఏ రోజూ కూర్చోకండి. ప్రతీరోజూ ఏదో ఓ పనిచేస్తూ పనిలో నిమగ్నమైపోండి. మరీ ముఖ్యంగా మీకు సంతోషాన్నీ , ఆనందాన్నీ ఇచ్చే పనులు చేయండి. . పాజిటివ్ ఎనర్జీ ఇచ్చే మంచి బలమైన ఆహారాన్ని అవసరం మేరకు తినండి. కాబట్టి మీ మానసిక ‘బయో క్లాక్’ ని ఎక్కవ ఆయుర్దాయం కోసం సెట్ చేసుకోండి ….ఆలోచనా దృక్పధాన్ని మార్చుకోండి.

Also Read:బిహార్‌లో విపక్షాల భేటీ..