బిగ్ బాస్ తెలుగు సీజన్ 6 విజయవంతంగా 8 వారాలు పూర్తిచేసుకుంది. తాజా వారంలో భాగంగా సూర్య ఇంటి నుండి ఎలిమినేట్ అయ్యారు. సూర్యను వేదికపైకి పిలిచిన నాగార్జున.. తన బిగ్ బాస్ జర్నీ వేసి చూపించారు. హౌస్‌లో ఉన్నవారిలో ఫ్లవర్ ఎవరు, ఫైర్ ఎవరు చెప్పాలని సూర్య ముందు రెండు బోర్డులు ఉంచారు. మొదట రేవంత్, గీతూ, శ్రీహాన్, బాలాదిత్య ఫైర్ అని వారి ఫొటోలను ఫైర్ బోర్డుపై ఉంచగా ఫైమా ఫొటోను ఫ్లవర్ బోర్డుపై ఉంచాడు. అయితే, ఇక్కడ నాగార్జున ఒక క్లారిటీ ఇచ్చారు. ఫైర్ బోర్డు పాజిటివ్ అని.. ఫ్లవర్ బోర్డు నెగిటివ్ అని చెప్పారు. దీంతో సూర్య తన అభిప్రాయాన్ని మార్చుకున్నాడు. మిగిలిన వాళ్లను సూర్య పరిగణనలోకి తీసుకోలేదు.
ఇక తర్వాత ఇనయ గురించి సూర్య మాట్లాడుతూ.. ఫస్ట్ త్రీ వీక్స్ ఫుల్లుగా కొట్టుకున్నాం. నీకూ నాకూ అస్సలు పడుతుండేదే కాదు. ఊరుకూరికే తిట్టుకునేవాళ్లం, నామినేట్ చేసుకునేవాళ్లం కానీ తర్వాత క్లోజ్ అయ్యాం… నువ్వు టాప్ 5లో ఉండాలని కోరుకుంటున్నా అని తెలిపారు సూర్య. అన్నీ గుర్తున్నాయి. సూర్య.. బాగున్నావు. నీకోసం ఎల్లో మ్యాచింగ్ వేసుకున్నా. నువ్వు ఎల్లో వేసుకుంటావని గెస్ చేశాను అని చెప్పింది.
సూర్య వెళ్లిపోయిన తరవాత నామినేషన్స్‌లో ఉన్న మిగిలిన వారికి పరీక్ష పెట్టారు నాగార్జున. గేమ్స్ ఆడిస్తూ మధ్యమధ్యలో ఒక్కొక్కరిని సేవ్ చేస్తూ వచ్చారు. చివరికి ఆదిరెడ్డి, మెరీనా మిగలా వీరిద్దరిలో ఎవరో ఒకరు ఎలిమినేట్ అవుతారని చెప్పగా గీతూ ఏడుపు అందుకుంది. సోఫాలో కూర్చొని ఆదిరెడ్డి చేయి పట్టుకుని.. నువ్వు వెళ్లిపోవద్దు ఆదిరెడ్డి అంటూ బోరున ఏడ్చింది. ఇక చివరివరకు ట్విస్ట్ ఇస్తూ వచ్చిన నాగ్…సూర్య ఒక్కరి ఎలిమినేషన్‌తోనే సరిపెట్టడంతో అంతా ఊపిరి పీల్చుకున్నారు.
ఇవి కూడా చదవండి..
