బుల్లితెర రియాల్టీ షో బిగ్ బాస్ తెలుగు సీజన్ 6 విజయవంతంగా 62 ఎపిసోడ్స్ పూర్తి చేసుకుంది. తాజా ఎపిసోడ్‌ వీకెండ్ కావడంతో నాగార్జున ఎంట్రీ ఇచ్చారు. ఈ వారం నామినేషన్స్ లో రేవంత్, ఆదిరెడ్డి, గీతూ, బాలాదిత్య, కీర్తి, శ్రీసత్య, ఇనయా, రోహిత్, మెరీనా, ఫైమాలు ఉండగా ఇందులో ఆదిరెడ్డి, కీర్తి, రేవంత్ సేఫ్‌ అయినట్లు ప్రకటించారు. ఇక ఇవాళ హౌస్ నుండి ఎవరు ఎలిమినేట్ అవుతారోనన్న ఉత్కంఠ అందరిలో నెలకొంది.
తొలుత కెప్టెన్సీ కంటెండర్‌ టాస్క్‌లో రెడ్, బ్లూ టీమ్‌ మెంబర్స్‌కు ర్యాంకులివ్వమని ఆ టీం హెడ్స్ గా చేసిన గీతూ, ఆదిరెడ్డిలకు చెప్పారు నాగార్జున.బ్లూ టీమ్‌ లీడర్‌ ఆదిరెడ్డి.. రాజ్‌ కి ఫస్ట్‌, ఇనయాకి సెకండ్‌, మెరీనా, వాసంతి, బాలాదిత్య, రోహిత్‌లకు వరుసగా మూడు, నాలుగు, ఐదు, ఆరు ర్యాంక్స్ ఇచ్చాడు.తర్వాత గీతూ తన రెడ్ టీంలో శ్రీహాన్‌కు ఫస్ట్‌, ఫైమాకు సెకండ్‌, శ్రీసత్య, రేవంత్ లకు మూడు, నాలుగు ర్యాంక్స్ ఇచ్చింది. తనకి ఐదో ర్యాంక్ ఇచ్చుకుంది. కీర్తికి ఆరో ర్యాంకు ఇచ్చింది.
ఇక రేవంత్‌కు గట్టిగా క్లాస్ ఇచ్చారు నాగ్. ప్రతిదానికి గొడవపడటం, కొట్టుకోవడం దాకా వెళ్తున్నావని ఇది తగ్గించుకోవాలని లేదంటే డైరెక్ట్ ఎలిమినేట్ అయిపోతావు అంటూ వార్నింగ్ ఇచ్చారు. తర్వాత కొత్త కెప్టెన్ శ్రీసత్యకు కంగ్రాట్స్ చెప్పారు నాగ్. కెప్టెన్‌గా విఫలమైన శ్రీహాన్‌కి తాను చేసిన తప్పులను చూపిస్తూ..ఈ వారం కెప్టెన్సీ పోటీకి అనర్హుడిగా ప్రకటించారు.
ఇవి కూడా చదవండి..
