బుల్లితెర బిగ్గెస్ట్ రియాల్టీ షో బిగ్ బాస్ తెలుగు సీజన్ విజయవంతంగా 25 రోజులు పూర్తి చేసుకుంది. ఇక ఇవాళ ఎపిసోడ్‌లో యష్మీని ఓదార్చడం, వైల్డ్ కార్డు ఎంట్రీ ద్వారా 9 మంది హౌస్‌లోకి అడుగుపెట్టబోతున్నారు. తొలుత శక్తి టీమ్ వంట చేస్తూ గంట కొట్టి రైస్ పెట్టు అంటూ నిఖిల్‌తో ప్రేరణ సరదాగా చెప్పేసింది. దీంతో ప్రేరణ కూర్చో మాకిచ్చిర్రు కదా టైమ్.. వెయిట్ అని సోనియా ఫైర్ అయింది. ఈ క్రమంలో యష్మీ కంటతడి పెట్టగా పృథ్వీ ఓదార్చాడు. ఆ వెంటనే నిఖిల్ కూడా సద్దిచెప్పాడు.
బాల్-రాడ్ టాస్కులో కాంతార క్లాన్ ఓడిపోయినందుకు బిగ్‌బాస్ ఓ షాకిచ్చాడు. మీరు ఓడిపోయిన కారణంగా మూల్యాన్ని చెల్లించాలి.. మీ క్లాన్ నుంచి సర్వైవల్ ఆఫ్ ఫిట్టెస్ట్ ఛాలెంజ్‌కి అనర్హులు అని అనుకున్న సభ్యుడ్ని తీసేయాలి.. కానీ దాన్ని శక్తి క్లాన్ డిసైడ్ చేస్తుంది అంటూ బిగ్‌బాస్ చెప్పాడు. ఈ విషయం చెప్పగానే శక్తి టీమ్ పక్కకెళ్లి అవతలి టీమ్‌లో ఎవరిని తీసేయాలా అంటూ చర్చించుకున్నారు.
సోనియా, యష్మీ, పృథ్వీ, నిఖిల్ నలుగురూ నబీల్‌ను తీసేద్దామని డిసైడ్ చేశారు. కానీ ఒక్క మణికంఠ మాత్రమే ఆదిత్యను కానీ లేదా సీత వాలెంటరీగా బయటికొచ్చేస్తా అంది కనుక తనను తీసేద్దామంటూ చెప్పాడు. దీనికి నిఖిల్ ఒప్పుకోలేదు. దీంతో బిగ్‌బాస్ అడిగినప్పుడు నబీల్‌ను తీసేస్తున్నామంటూ నిఖిల్ చెప్పాడు. ఈ ముక్క వినగానే కాంతార టీమ్ అవాక్కైంది.
Also Read:పిడుగులపై ‘దామిని’ యాప్
ఈ క్రమంలో సోనియా…మణికంఠతో మాట్లాడుతూ రెచ్చిపోయింది. ఆ తర్వాత నిఖిల్‌పై నోరు పారేసుకుంది విష్ణు. ఫేక్ పర్సన్.. ఆయన గేమ్ ఆడుతున్నాడట.. చీఫ్ పొజిషన్‌లో ఉండి.. చేతులు కట్టుకొని.. రెడ్ బ్యాంగిల్స్.. బొట్టు బిల్ల ఒకటే తక్కువ అంటూ విష్ణుప్రియ సెటైర్లు వేసింది. తర్వాత నబీల్‌తో తన బాధ చెప్పుకున్నాడు మణికంఠ. నీ బాధను అర్థం చేసుకొని నీతో మాట కలిపానంటే నేను మాట తప్పినోడు అంటారు.. ఏమీ చేయలేక.. మాట్లాడాలంటేనే భయమేస్తుందిరా నబీల్ అంటూ మణికంఠ ఏడ్చాడు.
తర్వాత సర్వైవల్ ఆఫ్‌ది ఫిట్టెస్ట్ ఛాలెంజ్‌లో భాగంగా మరో టాస్కు ఇచ్చాడు బిగ్‌బాస్. పజిల్ బ్లాక్‌ను ఉపయోగించి క్యూబ్ షేప్ నిర్మించాలి.. రెండూ టీమ్‌ల నుంచి చెరో ఇద్దరు ఆడాలి.. ఎవరు త్వరగా క్యూబ్ నిర్మిస్తే వాళ్లు విన్నర్. విజేతల క్లాన్ ఒక వైల్డ్ కార్డ్ ఎంట్రీని ఆపి లక్ష రూపాయలు ప్రైజ్ మనీకి యాడ్ చేయగలుగుతారు అని చెప్పాడు. అయితే ఈ గేమ్‌ని ఐదు నిమిషాల్లో పూర్తి చేయాలని చెప్పాడు బిగ్ బాస్. కాంతార టీమ్ నుంచి ప్రేరణ, నైనిక.. శక్తి నుంచి పృథ్వీ, నిఖిల్ వచ్చారు. నబీల్ సంచాలక్‌గా ఉండగా ఈ టాస్క్‌లో ఎవరు గెలవలేదు.
కొద్దిసేపటి తర్వాత మరో టాస్క్ ఇచ్చాడు బిగ్ బాస్. బీబీ ట్యూన్స్‌కి డ్యాన్స్ చేయాలి.. డిఫరెంట్ ప్లేస్‌లో ఉన్న అల్లారం డిఫరెంట్ టైమ్‌లో మోగుతుంది.. మీరంతా 20 సెకన్లలో అక్కడున్న ప్లాట్ ఫామ్ మీదకి వెళ్లి డ్యాన్స్ చేయాలి.. ఎవరు వెళ్లలేకపోతే వాళ్లు ఛాలెంజ్‌ నుంచి తప్పుకోవాలి అని చెప్పాడు. ఈ టాస్క్‌లో శక్తి టీమ్ నుంచి ఇద్దరు ఉండటంతో వాళ్లనే విన్నర్‌గా ప్రకటించాడు బిగ్‌బాస్. దీంతో ప్రైజ్ మనీలో మరో లక్ష రూపాయలు యాడ్ చేశాడు. అలానే మరో వైల్డ్ కార్డ్ ఎంట్రీని ఆపాడు. మొత్తంగా మూడు వైల్డ్ కార్డ్ ఎంట్రీలను ఆపగలిగారు అంటూ బిగ్‌బాస్ అనౌన్స్ చేశాడు. అంటే ఇంకా మిగిలిపోయిన 9 మంది వైల్డ్ కార్డ్ ఎంట్రీ ద్వారా హౌస్‌లోకి రాబోతున్నారు.
