బుల్లితెర బిగ్గెస్ట్ రియాల్టీ షో బిగ్ బాస్ 8 తెలుగు 13వ వారం నామినేషన్స్ వాడివేడిగా సాగాయి. ఈ వారం ఒక్క మెగా చీఫ్ మినహా మిగిలిన 8 మంది సభ్యులు నామినేషన్స్‌లో ఉన్నారు. ముఖ్యంగా నామినేషన్స్ ప్రక్రియలో పృథ్వీ-గౌతమ్ మధ్య ఆసక్తికర సీన్ జరిగింది. నామినేషన్ ప్రక్రియలో భాగంగా పృథ్వీ ముందుగా అవినాష్‌ని నామినేట్ చేశాడు.
గత వారం విష్ణుప్రియ-రోహిణి మధ్య గొడవ జరుగుతున్నప్పుడు మెగా చీఫ్ అయి ఉండి అవినాష్ పట్టించుకోకుండా నాకెందుకులే అని వెళ్లపోవడం నాకు కరెక్ట్ అనిపించేదంటూ పృథ్వీ చెప్పాడు. తర్వాత తన రెండో నామినేషన్ గౌతమ్‌కి వేశాడు పృథ్వీ. గత వారం డిస్కషన్‌లో ఏం పీకలేవు నువ్వు అని నన్ను అనడం నాకు నచ్చలేదు.. అలానే వైల్డ్ కార్డ్ ఎంట్రీలను మేము తరిమేయాలనుకున్నామని మీరు చెప్పడం కూడా నాకు నచ్చలేదంటూ పృథ్వీ అన్నాడు.
నేను ఏం పీకలేవు అనడం తప్పే.. కానీ అలా నేను అనేలా నువ్వు ట్రిగ్గర్ చేశావ్.. మాట్లాడుతుంటే అలా మీదిమీదికి రావడం కరెక్ట్ కాదు.. అందుకే కొడతావా అని అడిగా అంటూ గౌతమ్ అన్నాడు. అసలు మీదకి వస్తే భయపడాల్సిన అవసరమేంటి బ్రో.. నేనెందుకు కొడతా అంటూ పృథ్వీ అన్నాడు. ఇలా మీదకి వస్తే ఏమైంది అంటూ స్లోగా గౌతమ్ ముందుకెళ్లి నిల్చున్నాడు. దీనికి నవ్వుకున్న గౌతమ్.. మొన్న నువ్వు ఇంత స్లోగా రాలేదు అంటూ బుగ్గ గిల్లి పో అన్నాడు. మొత్తంగా ఈ వారం నామినేషన్స్‌లో 8 మంది నిలిచారు.
Also Read:‘గేమ్ చేంజర్’.. థర్డ్ సింగిల్
