బుల్లితెర బిగ్గెస్ట్ రియాల్టీ షో బిగ్ బాస్ తెలుగు సీజన్ 7 విజయవంతంగా మూడు వారాలు పూర్తి చేసుకుంది. ఇక మూడోవారం ఎలిమినేషన్‌లో భాగంగా హౌస్ నుండి దామిని బయటికి రాగా స్కంద ప్రమోషన్స్‌లో భాగంగా రామ్ పోతినేని ఇంటి సభ్యులతో సందడి చేశాడు. నామినేషన్స్‌లో ఉన్న ఒక్కొక్కరిని సేవ్ చేస్తూ వచ్చిన నాగ్ చివరగా అమర్‌దీప్,దామిని ఉండగా దామిని ఎలిమినేట్ అయినట్లు ప్రకటించారు.
స్టేజ్ మీదకి వచ్చిన దామినికి తన జర్నీ మొత్తం టీవీలో చూపించారు. అందులో శివాజీ చెప్పిన డైలాగ్ దామినికి బాగా కనెక్ట్ అయింది. దామిని సొంత గేమ్ ఆడట్లేదు.. సేఫ్ గేమ్ ఆడుతుంది అంటూ రీసెంట్‌గా శోభా శెట్టితో శివాజీ చెప్పిన డైలాగ్ వీడియోలో ఉంది. ఇక ఆ తర్వాత మన టీవీలో కంటెస్టెంట్లతో దామిని మాట్లాడింది. ముఖ్యంగా శివాజీ సార్ నేను సేఫ్ గేమ్ ఆడుతున్నానని మీరు అన్నారు.. కానీ అది కరెక్ట్ కాదంటూ దామిని అంది. దీనికి శివాజీ కౌంటర్ ఇస్తూ ఇంటికెళ్లి ఇప్పటివరకు జరిగిన ఎపిసోడ్స్ మొత్తం చూసి ఇది చెప్పు.. అప్పుడు కూడా నేను తప్పు మాట్లాడాను అంటే సారీ చెబుతా అన్నారు. చివరగా బిగ్‌బాస్ గురించి తాను రాసి, కంపోజ్ చేసిన పాటను స్టేజ్ మీద పాడి వెళ్లిపోయింది దామిని.
Also Read:విటమిన్ బి3 లోపిస్తే.. ప్రమాదమా?
ఇక అంతకముందు సండే ఫన్‌ డేలో భాగంగా హీరో రామ్ పోతినేని స్పెషల్ గెస్ట్‌గా వచ్చి ఇంటి సభ్యులను అలరించాడు. తర్వాత నాగార్జున “చిట్టి ప్రశ్నలు.. గట్టి సమాధానాలు” అంటూ ఓ ఫన్నీ గేమ్ మొదలుపెట్టారు. కంటెస్టెంట్లను సూటిగా చిన్న ప్రశ్నలు అడిగారు దానికి సమాధానాలు మాత్రం డిటైల్‌గా కావాలన్నారు. ఈ హౌస్‌లో కన్నింగ్ ఎవరని నువ్వు అనుకుంటున్నావ్ అంటూ శోభా శెట్టిని అడిగారు నాగార్జున. ప్రశాంత్ అని ఆన్సర్ చెప్పింది.
తర్వాత ఒక్కొ కంటెస్టెంట్‌ని సేవ్ చేసుకుంటు వచ్చారు నాగ్. ఇక రామ్‌తో స్కంద సినిమా గురించి మాట్లాడారు నాగ్. తర్వాత స్కంద ట్రైలర్‌ని మన టీవీలో కంటెస్టంట్లకు చూపించారు. రామ్‌ని సరదాగా కాసేపు శివాజీ ఆటపట్టించాడు. పెళ్లి చేసేసుకో గురు.. టైమ్ అయిపోతుంది కదా.. ఇంకా చాలా చెయ్యాలంటూ శివాజీ అన్నాడు. దీనికి రామ్ కూడా అంతే ఫన్నీగా ఆన్సర్ ఇచ్చాడు.
Also Read:టీడీపీకి జగన్ పూర్తిగా చెక్ పెట్టినట్లేనా ?
