బుల్లితెర బిగ్గెస్ట్ రియాల్టీ షో బిగ్ బాస్ 10 తెలుగు విజయవంతంగా 19 రోజులు పూర్తి చేసుకుంది. ఇక బిగ్ బాస్ ఇంట్లో ఎప్పుడు ఏం జరుగుతుందో ఎవరూ ఊహించలేరు. ఉత్కంఠభరితంగా సాగుతున్న ఈ షోలో తాజాగా ఒకే టాస్కు ద్వారా ఇద్దరికి ఇమ్యూనిటీ లభించడం షో చరిత్రలోనే తొలిసారిగా నిలిచింది. వైల్డ్ కార్డ్ ఎంట్రీలతో మరింత హీటెక్కిన బిగ్ బాస్ హౌస్లో జరిగిన ఆసక్తికర పరిణామాలు, కెప్టెన్సీ టాస్క్ గొడవల సమాహారం ఇది.
ఇంట్లోకి అపూర్వ, మిథిలేష్ ఎంట్రీ – మొదలైన రచ్చ
ఇంట్లోని కంటెస్టెంట్లు తక్కువ ఓట్లు వేసినప్పటికీ, హౌస్మేట్స్కు టెన్షన్ ఇవ్వడానికే అపూర్వను లోపలికి పంపినట్లు బిగ్ బాస్ ప్రకటించారు. ఆమె రాకతోనే ఇంట్లో వాతావరణం మారిపోయింది. మరోవైపు రామకృష్ణతో సమానమైన ఓట్లు సాధించిన మిథిలేష్, బిగ్ బాస్ పెట్టిన టైర్ల టాస్కులో భీకరంగా పోరాడి గెలిచి హౌస్లోకి అడుగుపెట్టాడు.
వైల్డ్ కార్డ్ ద్వారా వచ్చిన అపూర్వ, మిథిలేష్లకు బిగ్ బాస్ ఒక ప్రత్యేక పవర్ ఇచ్చాడు. ఇప్పటికే కెప్టెన్సీ రేసులో ఉన్న శ్రిష్టి, ముఖేష్, ఝాన్సీ, అమన్లలో ఇద్దరిని తప్పించి, ఆ స్థానాల్లో వీరు చేరే అవకాశం కల్పించారు.
శ్రిష్టిపై అపూర్వ వేటు: సుధీర్ నామినేషన్స్ సమయంలో శ్రిష్టి అసహనంగా ప్రవర్తించిందని, మాటలు కంట్రోల్ చేసుకోలేదని చెబుతూ ఆమెను రేసు నుంచి తప్పించింది.
అమన్పై మిథిలేష్ వేటు: అమన్లో అటెంటివ్నెస్ లేదని, స్క్రీన్ స్పేస్ కోసమే డ్రామా చేస్తున్నాడని అమన్ను తొలగించాడు.
ఈ నిర్ణయాల వల్ల రోహిత్, అమన్, మిథిలేష్ మరియు అపూర్వల మధ్య తీవ్రస్థాయిలో వాగ్వాదం చోటుచేసుకుంది. అగ్ని పరీక్ష టీమ్తో పాటు ఇతర హౌస్మేట్స్ మధ్య చిన్న విషయాలకే పెద్ద గొడవలు జరిగాయి.
కెప్టెన్సీ టాస్క్ – చారిత్రాత్మక ట్విస్ట్
తదనంతరం జరిగిన ప్రధాన కెప్టెన్సీ టాస్కులో ముఖేష్ – అపూర్వ ఒక టీమ్గా, ఝాన్సీ – మిథిలేష్ మరొక టీమ్గా తలపడ్డారు. చివరి వరకు పోటాపోటీగా సాగిన ఈ ఆటలో ముఖేష్, అపూర్వల జోడీ ఘన విజయం సాధించింది.
Also Read:‘కాకా’ డబ్బింగ్ ప్రారంభం
టాస్క్ ముగిసిన తర్వాత బిగ్ బాస్ హౌస్మేట్స్కు ఊహించని సర్ ప్రైజ్ ఇచ్చాడు. గెలిచిన ముఖేష్ను హౌస్ కెప్టెన్గా ప్రకటిస్తూనే, అతనితో పాటు ఆడిన అపూర్వకు కూడా ఇమ్యూనిటీ ఇస్తున్నట్లు ప్రకటించారు. ఒకే టాస్క్ విజయం ద్వారా ఇద్దరు కంటెస్టెంట్లకు ఇమ్యూనిటీ లభించడం బిగ్ బాస్ చరిత్రలోనే ఇది మొదటిసారి.
కెప్టెన్సీ దక్కడంతో వర్షిణి అండ్ గ్యాంగ్ ఫుల్ ఖుషీ అవ్వగా, ముఖేష్ “స్టార్, స్టార్డమ్ ఊరికే రావు” అంటూ చరణ్కి పంచ్ కౌంటర్ ఇచ్చాడు. వచ్చిన మొదటి రోజే ఇమ్యూనిటీ సాధించి అపూర్వ జాక్పాట్ కొట్టగా, కెప్టెన్గా ముఖేష్ హౌస్ను ఎలా నడిపిస్తాడో చూడాలి.