బుల్లితెర రియాల్టీ షో బిగ్ బాస్ 3 ఎన్నో వివాదాల మధ్య ప్రారంభమైంది. షో ప్రారంభం కంటే ముందు కొంచెం రచ్చ జరిగినా ఆ తర్వాత అంతా సర్దుమనిగింది. ఇక ఈషో ప్రారంభమై వారం రోజులు గడిచింది. 15మంది కంటెస్టెంట్స్ వారం రోజులు ఒకే ఇంట్లో ఉండి ఎన్నో వివాదాలు సృష్టించారు. ఇక మొదటి వారం ఎలిమినేషన్ లో ఆరుగురు సభ్యులు రాహుల్, పునర్నవి, వితికా శెరు, హిమజ, జాఫర్, హేమలు ఉండగా అందులో నుంచి ఒకర్ని ఎలిమినేట్ చేశారు.
చివరగా నటి హేమ హౌజ్ లో నుంచి ఎలిమినేట్ అయ్యారు. హేమ బయటకు వచ్చిన వెంటనే హౌజ్ మెంబర్స్ కు సర్ ప్రైజ్ ఇచ్చారు నాగార్జున. వైల్డ్ కార్డ్ ఎంట్రీ ద్వారా తమన్నా సింహాద్రి అనే హిజ్రాను హౌస్ లోకి పంపించి అందరిని ఆశ్చర్యపరిచాడు. ఓ హిజ్రాను హౌస్‌లోకి పంపడం తెలుగు బిగ్‌బాస్ చరిత్రలో ఇదే తొలిసారి.
సందర్భంగా తమన్నా మాట్లాడుతూ.. ట్రాన్స్‌జెండర్ అయినా తనకు అవకాశం ఇచ్చినందుకు ఆనందంగా ఉందంటూ బిగ్‌బాస్‌కు థ్యాంక్స్ చెప్పింది. తనకు ఇచ్చిన అవకాశాన్ని సద్వినియోగం చేసుకుంటానని, హౌస్‌లో చివరి వరకు ఉంటానని తెలిపింది.
