ఆంధ్రప్రదేశ్ డిప్యూటీ సీఎం పవన్ కళ్యాణ్పై నటి భూమిక చావ్లా ప్రశంసల జల్లు కురిపించారు. ‘ఖుషి’ సినిమాలో తనతో కలిసి నటించిన రోజులను గుర్తు చేసుకుంటూ, అప్పట్లో ఒక సున్నితమైన నటుడిగా, హృదయాలను గెలుచుకున్న స్టార్గా ఉన్న పవన్ కళ్యాణ్, నేడు రాష్ట్ర ఉప ముఖ్యమంత్రిగా రాజకీయ రంగంలో ఎదగడం ఎంతో అద్భుతమని ఆమె కొనియాడారు.
సినీ పరిశ్రమ నుంచి ప్రజాసేవ వైపు ఆయన చేసిన ప్రయాణం ఎంతో ప్రేరణాత్మకమని భూమిక పేర్కొన్నారు. ప్రజల సమస్యలపై స్పందిస్తూ, బాధ్యతాయుత నాయకుడిగా ఆయన తీసుకుంటున్న నిర్ణయాలు ప్రశంసనీయమని అన్నారు. ఒక నటుడిగా మాత్రమే కాదు, ఒక వ్యక్తిగా కూడా పవన్ కళ్యాణ్లో ఉన్న నిజాయితీ, నిబద్ధత తనకు ఎప్పుడూ గుర్తుంటాయని చెప్పారు.
భగవంతుడి ఆశీస్సులు ఆయనపై ఎల్లప్పుడూ ఉండాలని, ప్రజాసేవలో మరింత విజయాలు సాధించాలని భూమిక చావ్లా హృదయపూర్వకంగా ఆకాంక్షించారు.
Also Read:VD14:రణబాలిగా విజయ్