సూపర్‌స్టార్‌ మహేశ్‌బాబు హీరోగా కొరటాల శివ దర్శకత్వంలో తెరకెక్కుతున్న మూవీ భరత్ అను నేను. రిపబ్లిక్ డే కానుకగా సినిమా ఫస్ట్ ఓత్‌ని విడుదల చేశారు. మహేష్‌కి జోడిగా బాలీవుడ్‌ నటి కైరా అడ్వాణీ హీరోయిన్‌గా నటిస్తుండగా ఇందులో మహేశ్‌ ముఖ్యమంత్రి పాత్రలో నటిస్తున్నారు. దేవిశ్రీ ప్రసాద్‌ సంగీతం అందిస్తున్న ఈ చిత్రాన్ని ఏప్రిల్ 27న విడుదల చేయనున్నారు.
ఇవాళ విడుదల చేసిన వీడియోలో మహేష్ వాయిస్‌తో అభిమానుల్లో ఆనందం కలిగిన మహేష్ లుక్ ఎలా ఉంటుందో అనే ఆతృత అభిమానుల‌లో నెల‌కొంది. ఈ నేప‌ధ్యంలో చిత్ర టైటిల్‌తో పాటు మహేష్ ఫస్ట్ లుక్ విడుదల చేశారు. క్లాస్ లుక్‌లో బ్రీఫ్ కేసు ప‌ట్టుకొని న‌డుస్తున్న మహేష్ ని చూసి యంగ్ అండ్ స్టైలిష్ ముఖ్యమంత్రి అంటూ త‌న అభిమాన న‌టుడిని పొగిడేస్తున్నారు.
ఈ పోస్ట‌ర్ బ్యాగ్రౌండ్‌లో డా. బి. ఆర్ అంబేడ్కర్, మహాత్మాగాంధీ ఫోటోలు ఉండటం ఈ ఫస్ట్‌లుక్‌కి హైలైట్‌గా నిలిచాయి. ఆంధ్రప్రదేశ్‌లో జరుగుతున్న ఒక ఫిక్షనల్‌ పొలిటికల్‌ డ్రామాగా ‘భరత్ అనే నేను’ మూవీని తెరకెక్కిస్తున్నారు కొరటాల.
