నకిలీ యాప్ లతో నగదు బదిలీ చేసుకోవచ్చు అంటూ సోషల్ మీడియాలో ఇలాంటి వందలాది వీడియోలు చక్కర్లు కొడుతున్నాయి. కొంత డబ్బు చెల్లిస్తే ఫేక్ ఫోన్ పే యాప్ లింక్ పంపిస్తామంటూ మాయమాటలు చెప్పి కొందరు సొమ్ము చేసుకుంటున్నారు. అచ్చం ఫోన్ పే యాప్ లాగానే ఫేక్ యాప్స్ పనిచేస్తున్నాయి.
ఈ ఉత్తుత్తి యాప్ లతో చిరు వ్యాపారులు, అమాయక ప్రజలను కేటుగాళ్ళు మోసం చేస్తున్నారు. ఇలాంటి ఫేక్ యాప్స్ పట్ల అప్రమత్తంగా ఉండండి. APK ఫైల్స్ ని డౌన్ లోడ్ చేసుకోకండి. డౌన్ లోడ్ చేసుకునే ముందు యాప్‌ను వెరిఫై చేసుకోండి. మీరు సరైన దానినే డౌన్‌లోడ్ చేసుకున్నారా అని సరి చూసుకునేందుకు అధికారిక వెబ్‌సైట్‌ ను పరిశీలించాలి.
ఒక మోసపూరిత యాప్‌ను డౌన్‌లోడ్ చేసి ఉండొచ్చని భావిస్తే, ఆ యాప్‌ను వెంటనే అన్‌ఇన్‌స్టాల్ చేయండి.నకిలీ యాప్‌లు మీ డేటాకు తీవ్ర హాని కలిగిస్తాయి. అప్రమత్తంగా ఉండడం ద్వారా ఇలాంటి హానికరమైన యాప్‌లనుండి మిమ్మల్ని మీరు రక్షించుకోవచ్చు.
Also Read:రైతుల ఆత్మహత్యలు ప్రభుత్వ హత్యలే: హరీశ్‌
