ఇంగ్లండ్ జట్టులో సంచలన క్రికెటర్ బెన్‌స్టోక్స్‌…ఐపీఎల్ 10వేలంలో జాక్‌ పాట్ కొట్టేశాడు. ఈవేలంలో స్టోక్స్‌కు రూ. రూ.14.5 కోట్ల రికార్డు ధర పలికింది. గతేడాది ఐపీఎల్లోకి ప్రవేశించిన రైజింగ్ పుణె సూపర్ జెయింట్స్ స్టోక్స్ కు భారీ మొత్తం చెల్లించి దక్కించుకుంది. కనీస ధర రెండు కోట్లు ఉన్న స్టోక్స్ ను దక్కించుకోవడానికి పలు ఫ్రాంచైజీలు తీవ్రంగా పోటీ పడ్డాయి.
అయితే స్టోక్స్ ను ఎలాగైనా దక్కించుకోవాలని పుణె మొండి పట్టుదలను ప్రదర్శించడంతో అతనికి ఎక్కువ మొత్తం లాభం చేకూరింది. .6 లేదా 7 స్థానాల్లో దూకుడుగా ఆడటంతో పాటు పేస్‌ బౌలర్‌గా సత్తా కలిగిన ఆటగాడు. భారత్‌తో సిరీస్‌లో స్టోక్స్ ప్రదర్శన అందరినీ ఆకట్టుకోవడం కూడా అతన్ని భారీ మొత్తం చెల్లించి కొనుగోలు చేయడానికి ప్రధాన కారణమైంది. దాంతో ఐపీఎల్ చరిత్రలో అత్యధిక ధర పలికిన విదేశీ ఆటగాడిగా స్టోక్స్ గుర్తింపు సాధించాడు. ఆ క్రమంలోనే షేన్ వాట్సన్(9.5 కోట్లు)ను స్టోక్స్ అధిగమించాడు.
ఈ సంగతి ఇలా ఉంచి పక్కన పెడితే….గతడాది వేలంలో అత్యధిక ధర పలికిన భారత్‌ ఆటగాడు పవన్ నేగీకి మాత్రం ఈసారి రూ.కోటికే పరిమితమయ్యాడు. ఈసీజన్‌లో పవన్ కనీస ధర రూ.30లక్షలు కాగా అతడికి రూ.కోటి దక్కడం విశేషం…పవన్‌నేగీనికి రాయల్‌ ఛాలెంజర్స్‌ బెంగళూరు ఒక కోటి రూపాయిలు చెల్లించి దక్కించుకుంది. పవన్ నేగీ కోసం పుణె సూపర్ జెయింట్స్ -గుజరాత్ లయన్స్ లు పోటీ పడినప్పటికీ, చివరకు బెంగళూరు అతన్ని దక్కించుకుంది.
మరొకవైపు ఇంగ్లండ్ కెప్టెన్ ఇయాన్ మోర్గాన్ కు రెండు కోట్లు పెట్టి కింగ్స్ పంజాబ్ దక్కించుకోగా, శ్రీలంక క్రికెటర్ ఏంజెలా మాథ్యూస్ ను రెండు కోట్లు చెల్లించిన ఢిల్లీ డేర్ డెవిల్స్ అతన్ని తన ఖాతాలో వేసుకుంది. ఇంగ్లండ్ ఆల్ రౌండర్ అండర్సన్ ను కూడా ఢిల్లీని దక్కించుకోవడం విశేషం. అతనికి రెండు కోట్లు చెల్లించిన ఢిల్లీ దక్కించుకుంది.
ఐపీఎల్ ఆటగాళ్ల వేలం వివరాలు..
భారత ఆటగాడు ఇషాంత్ శర్మ(అన్ సోల్డ్)
దక్షిణాఫ్రికా ఆల్ రౌండర్ డేవిడ్ వైజ్(అన్ సోల్డ్)
భారత ఆటగాడు కరుణ్ శర్మ- ధర రూ. 3 20 కోట్లు- ముంబై ఇండియన్స్
వెస్టిండీస్ కెప్టెన్ జాసన్ హోల్డర్(అన్ సోల్డ్)
ఇంగ్లండ్ ఆల్ రౌండర్ క్రిస్ వోక్స్-ధర రూ. 4.20 కోట్లు- కోల్ కతా నైట్ రైడర్స్
భారత ప్లేయర్ పర్వేజ్ రసూల్( అన్ సోల్డ్)
ఆస్ట్రేలియా ఆటగాడు నిక్ మ్యాడిన్సన్(అన్ సోల్డ్)
వెస్టిండీస్ ఆటగాడు ఎవిన్ లూయిస్(అన్ సోల్డ్)
వెస్టిండీస్ ఆటగాడు డారెన్ బ్రేవో(అన్ సోల్డ్)
వెస్టిండీస్ ఆటగాడు మార్లోన్ శ్యామ్యూల్స్( అన్ సోల్డ్)
