నందమూరి బాలకష్ణ – గోపీచంద్ మలినేని కలయికలో రాబోతున్న సినిమా వీరసింహా రెడ్డి. ఈ సినిమా జ‌న‌వ‌రి 12న ప్రేక్ష‌కుల ముందుకొస్తుంది. ఈ సినిమా ప్రీ రిలీజ్ ఈవెంట్‌ను జ‌న‌వ‌రి 7న గుంటూరు లో నిర్వ‌హించ‌డానికి అన్ని స‌న్నాహాలు చేస్తున్న‌ట్లు వార్తలు వినిపస్తున్నాయి. ఐతే, ఈ ఈవెంట్‌కు వెళ్ల‌డానికి ఫ్యాన్స్ కోసం సికింద్రాబాద్ నుంచి గుంటూరుకు స్పెషల్ ట్రైన్ కూడా వేయిస్తున్న‌ట్లు తెలుస్తోంది. మరీ ఇదే నిజం అయితే బాలయ్య హైదరాబాద్ ఫ్యాన్స్ సంబరాలకు అవధులు ఉండవు. ఇక ఈ సినిమా రిలీజ్ డేట్ దగ్గరా పడుతుండటంతో..చిత్రబృందం ప్రమోషన్స్ ను వేగవంతం చేసింది. సినిమాలోని సెకండ్ సాంగ్ ఈ రోజు రిలీజ్ అయింది. ‘సుగుణ సుందరి’ అంటూ బాలయ్య, శృతిహాసన్ తమ స్టెప్పులతో ఇరగదీశారు.
ముఖ్యంగా ఈ ఏజ్ లో కూడా తన మాస్ బీట్ తో బాలయ్య అదరగొట్టారు. ఈ సాంగ్ చూస్తుంటే.. శృతిహాసన్ – బాలయ్య మధ్య కెమిస్ట్రీ కూడా బాగా కురిదినట్లు కనిపిస్తోంది.అన్నట్టు ఈ పవర్ ఫుల్ మాస్ ఎంటర్టైనర్ లో బాలయ్య- శ్రుతి హాసన్ ఇద్దరు మాజీ భార్యాభర్తలు గా నటిస్తున్నారు. శ్రుతి హాసన్, ఈ చిత్రంలో బాలయ్యకి ఆపోజిట్ రోల్ లో నటించబోతుంది. ఈ రెండు క్యారెక్టర్ల మధ్య గట్టి ఎమోషనల్ వార్ జరుగుతుందని తెలుస్తోంది.
అలాగే, ఈ క్రమంలోనే ఇంటర్వెల్ సీక్వెన్స్ వస్తోందని.. ఈ సీక్వెన్స్ సినిమా మొత్తంలోనే ప్రధాన ఆకర్షణగా నిలుస్తోందని తెలుస్తొంది. మొత్తానికి ఈ సినిమాలో బాలయ్య – శ్రుతి హాసన్ మంచి ఎమోషన్స్ ను కూడా పండించబోతున్నారు అన్నమాట. థమన్ సంగీతం అందిస్తున్న ఈ సినిమా పై భారీ బజ్ ఉంది. బాలయ్య అభిమానులు ఈ సినిమా కోసం ఎంతగానో ఎదురు చూస్తున్నారు.
ఇవి కూడా చదవండి…
