తన 61వ బర్త్ డే సందర్భంగా ఫ్యాన్స్‌కు డబుల్ ట్రీట్ ఇచ్చేందుకు సిద్ధమయ్యాడు నందమూరి బాలకృష్ణ. ఓ ట్రీట్ స్వయంగా ఫ్యాన్స్‌ కోసం బాలయ్య పాటపడనుండగా మరోకటి బోయపాటి మూవీ ఫస్ట్ లుక్.
బాలయ్య-బోయపాటి కాంబినేషన్‌ అంటే బ్లాక్‌బ‌స్ట‌ర్ మూవీస్‌కి కేరాఫ్ అడ్ర‌స్‌. గ‌తంలో వీరిద్దరి కాంబినేషన్‌లో వచ్చిన సింహా,లెజెండ్ ఘన విజయం సాధించాయి. ఇక లెజెండ్ సినిమాకు నంది అవార్డుల పంటపండింది.
ఈ నేపథ్యంలో బీబీ3 గర్జన ఈ రాత్రి 7.09కి వినిపించనుందని ద్వారకా క్రియేషన్స్ తన అధికారిక ట్విట్టర్ ఖాతా ద్వారా వెల్లడించింది. నటసింహం పుట్టిన రోజు కానుకగా విడుదల చేయనున్నామని తెలిపింది.
ఇక రేపు బాలయ్య బర్త్ డే సందర్భంగా సాయంత్రం 5.03 నిమిషాలకు ఎన్బీకే ఫిల్మ్స్ స్వయంగా బాలయ్య పాడిన పాటను విడుదల చేయనుంది. మొత్తంగా తన 61వ పుట్టినరోజు సందర్భంగా ఫ్యాన్స్‌కు డబుల్ ట్రీట్ ఇవ్వనున్నారు బాలయ్య.
