నందమూరి బాలకృష్ణ..వెండితెరకు పరిచయం అక్కర్లేని పేరు. నందమూరి నటసింహంగా ప్రేక్షకుల హృదయాల్లో చెరగని ముద్రవేసుకున్నారు బాలయ్య. ఓ వైపు వెండితెరపై అలరిస్తూనే మరోవైపు బుల్లితెరపై సత్తాచాటాడు బాలయ్య. ఆహాలో ప్రసారమవుతున్న అన్‌స్టాపబుల్ ద్వారా ప్రేక్షకులకు దగ్గరైన బాలయ్య..ఇటీవలె రెండో సీజన్‌ను ఇటీవల ప్రారంభించాడు.
ఈ షో ద్వారా తిరుగులేని రేటింగ్ సంపాదించిన బాలయ్య…తన కెరీర్‌లో తొలిసారి ఓ కమర్షియల్ యాడ్‌లో కనిపించబోతున్నారు. శ్రేయాస్ మీడియా ఆధ్వర్యంలో సాయిప్రియ కన్‌స్ట్రక్షన్ గ్రూప్ కోసం తెరకెక్కించే ఓ యాడ్‌లో బాలయ్య తొలిసారి కనిపించబోతున్నట్లు అఫీషియల్‌గా అనౌన్స్ చేశారు. ఇక యాడ్ రంగంలోకి తొలి అడుగు పెడుతున్న బాలయ్యకు ఈ సందర్భంగా శ్రేయాస్ మీడియా కృతజ్ఞతలు తెలిపింది.
మొత్తానికి బాలయ్య సినిమాలు, హోస్ట్‌గా అన్‌స్టాపబుల్ టాక్ షోలతో పాటు తాజాగా యాడ్ రంగంలోనూ అడుగుపెడుతుండటంతో నందమూరి అభిమానులు సంతోషం వ్యక్తం చేస్తున్నారు.
