పవర్ స్టార్ పవన్ కళ్యాణ్ – మాటల మాంత్రికుడు త్రివిక్రమ్ శ్రీనివాస్ దర్శకత్వంలో వచ్చిన అత్తారింటికి దారేది టాలీవుడ్ రికార్డులన్నింటినీ తిరగరాసింది. త్రివిక్రమ్ తన సినిమాల్లో మాటలతో పాటు పాటలు కూడా బాగా హమ్మింగ్ గా ఉండేలా కేర్ తీసుకుంటాడు. అందుకే అత్తారింటికి దారేది మూవీలో అన్ని పాటలు సూపర్‌ హిట్‌ అయ్యాయి. అలాగే ఇప్పుడు త్రివిక్రమ్ దర్శకత్వంలో పవన్ హీరోగా ‘అజ్ఞాతవాసి’ సినిమా నుంచి మొదటి సాంగ్ రిలీజ్ చేస్తున్నామని ముందుగానే చెప్పగా, అంతా ఎంతో ఆసక్తిగా ఎదురుచూశారు. లిరికల్ వీడియో రూపంలో పలకరించిన ఈ సాంగ్ అందరికీ తెగ నచ్చేసింది.
యూట్యూబ్ లో మొదటి 8 గంటల్లోనే 1 మిలియన్ వ్యూస్ ను దక్కించుకున్న ఈ సాంగ్, ప్రస్తుతం ఒకటిన్నర మిలియన్ మార్క్ ను క్రాస్ చేసింది. శ్రీమణి సాహిత్యం .. అనిరుధ్ సంగీతంతో ఈ పాట యూత్ ను ఆకట్టుకునేలా వుంది. ఈ పాటకి ఇంతవరకూ లక్షకి పైగా లైక్స్ రావడమే అందుకు నిదర్శనం. మొత్తానికి మొదటి పాటతోనే ‘అజ్ఞాతవాసి’ అంచనాలు పెంచేశాడు. ప్రస్తుతం ఈ సినిమా షూటింగ్ బల్గేరియాలో జరుగుతోంది. డిసెంబర్లో ఆడియోను రిలీజ్ చేయడానికి సన్నాహాలు చేస్తున్నారు. ఈ సినిమా జనవరి 9న విడుదల చేయనున్నారు.
