ఆటో డ్రైవర్‌ని వరించిన అదృష్టం..

ఓ ఆటో డ్రైవర్‌ని అదృష్టం వరించింది. ఏకంగా రూ. 25 కోట్ల లాటరీని గెలుచుకున్నాడు. కేరళలోని శ్రీవరాహం జిల్లాకు చెందిన ఆటోడ్రైవర్ అనూప్ మలేసియాలో చెఫ్​గా వెళ్లేందుకు ప్రయత్నాల్లో ఉన్నారు. అయితే తరచుగా లాటరీ టికెట్లు కొంటూ తన అదృష్టాన్ని పరీక్షించుకుంటుండేవాడు.

గత 22 ఏండ్లుగా కొంటున్నా ఒక్కసారి కూడా లాటరీ తగల్లేదు. అయితే శనివారం ఓ లాటరీ టికెట్​ కొన్నారు. ముందో టికెట్ తీసుకున్నా.. నెంబర్​ నచ్చలేదని మార్చేసి వేరే టికెట్​ తీసుకున్నారు. అంతే అదృష్టం వరించింది. ఏకంగా రూ. 25 కోట్లు గెలుచుకున్నారు. దీంతో ఆ పేద కుటుంబం ఆనందానికి అవధుల్లేకుండా పోయాయి. టికెట్ మార్చేయడమే మంచిదైందని, ఆ నెంబర్​కు బంపర్​ ప్రైజ్​ తగిలిందని అనూప్​ చెప్పారు.