హీరో విశాల్ ఇంటిపై దాడి..

నిర్మాత, తమిళ స్టార్ హీరో విశాల్ ఇంటిపై గుర్తు తెలియని దుండగులు దాడికి పాల్పడ్డారు. చెన్నైలోని అన్నానగర్‌లో విశాల్ నివాసం ఉంటుండగా అర్థరాత్రి రాళ్లతో దాడికి పాల్పడ్డారు దుండగులు. దాడి జరిగిన సమయంలో విశాల్ ఇంట్లో లేరు. ఓ సినిమా షూటింగ్‌కు సంబంధించి అవుట్ డోర్‌లో ఉన్నారు.

సీసీ కెమెరాల్లో నమోదైన దృశ్యాల ప్రకారం ఎరుపు రంగు కారులో వచ్చిన దుండగులు విశాల్ ఇంటిపై దాడి చేసిన అనంతరం పరారయ్యారు. ఈ దాడిలో ఎవరికీ ఎలాంటి గాయాలు కాలేదు. పోలీసులు కేసు నమోదుచేసి విచారణ చేపట్టారు. మరిన్ని వివరాలు తెలియాల్సి ఉంది.