కత్తి మహేష్‌పై దాడి..

సినీ క్రిటిక్ కత్తి మహేష్ పై దాడి జరిగింది. ఐమాక్స్ వద్ద గుర్తు తెలియని వ్యక్తులు ఆయన కారుపై దాడి చేయడంతో కారు అద్దాలు ధ్వంసం అయ్యాయి. దీంతో ఉద్రిక్త పరిస్ధితులు నెలకొన్నాయి.

విజయ్ దేవరకొండ నటించిన వరల్డ్ ఫేమస్ లవర్ సినిమాను చూసేందుకు వచ్చిన కత్తి మహేష్ పైన గుర్తు తెలియని వ్యక్తులు దాడి చేసారు. విషయం తెలుసుకున్న పోలీసులు అక్కడికి చేరుకొని దాడి చేసిన వారిని అడుపులోకి తీసుకున్నారు.

శ్రీరాముడిపై అనుచిత వ్యాఖ్యలు చేసినందుకు తాము ఈ దాడికి పాల్పడినట్లు భజరంగ్‌దళ్‌ కార్యకర్తలు వెల్లడించారు. శ్రీరాముడిపై అనుచిత వ్యాఖ్యలు చేసినందుకు ఇప్పటికే నగరంలో పలు పోలీస్ స్టేషన్లలో కేసులు నమోదైన సంగతి తెలిసిందే.