‘అశోకవనంలో అర్జున కల్యాణం’ అప్పుడే..

టాలీవుడ్‌ హీరో విష్వక్‌సేన్ తాజాగా ‘అశోకవనంలో అర్జున కల్యాణం’ అనే సినిమాతో ప్రేక్షకుల ముందుకు వస్తున్నాడు. విద్యాసాగర్ చింత దర్శకత్వం వహించిన ఈ చిత్రాన్ని సుధీర్ చంద్ర నిర్మిస్తున్నారు. తాజాగా ఈ సినిమాకి విడుదల తేదీని ఖరారు చేశారు. మార్చి 4వ తేదీన ఈ సినిమాను రిలీజ్ చేస్తున్నారు. రిలీజ్ డేట్‌తో కూడిన పోస్టర్ ను అధికారికంగా రిలీజ్ చేశారు.

జై క్రిష్ ఈ సినిమాకి సంగీతాన్ని అందించాడు. విష్వక్‌సేన్ జోడీగా రుక్సార్ థిల్లోన్ అలరించనుంది. ‘కృష్ణార్జున యుద్ధం’ సినిమాతో తెలుగు తెరకి పరిచయమైన రుక్సార్, ఈ సినిమాపై గట్టిగానే ఆశలు పెట్టుకుంది. ఈ సినిమా ఆమె కెరియర్ కి ఎంతవరకూ హెల్ప్ అవుతుందనేది చూడాలి.