తాజాగా స్టార్ నిర్మాత దిల్ రాజు ‘మసూద’ అనే చిన్న సినిమాను రిలీజ్ చేశాడు. ఈ సినిమా రిలీజ్ కి ముందే చూసి సపోర్ట్ చేయాలనీ భావించాడు దిల్ రాజు. అలాగే నిర్మాత రాహుల్ యాదవ్ టేస్ట్ తో పాటు సినిమా మీద అతనికున్న పాషన్ చూసి తన మూడో సినిమాకు రిలీజ్ విషయంలో సపోర్ట్ చేయాలని అనుకొని మసూద పోస్టర్ పై తన బ్రాండ్ వేశాడు.
అయితే ఈ సినిమా రిలీజ్ రోజే దిల్ రాజు తమిళ్ లో సూపర్ హిట్టయిన ‘లవ్ టుడే’ ను కూడా రిలీజ్ చేయాల్సి ఉంది. నవంవర్ 18న రిలీజ్ అంటూ తమిళ డబ్బింగ్ పనులు స్పీడ్ చేసేశాడు కానీ మసూద రిలీజ్ డేట్ తెలిసి మళ్ళీ వెనకి తగ్గాడు. ఈ విషయాన్ని ఇటివలే ఆ సినిమా సక్సెస్ మీట్ లో చెప్పుకున్నాడు దిల్ రాజు.
నిజానికి లవ్ టుడే నవంబర్ 18 న రిలీజ్ చేయాలని ఫిక్స్ అయ్యాను. కానీ రాహుల్ యాదవ్ ఫోన్ చేసి మసూద అదే డేట్ అని చెప్పాడు. నేను మరెలా అంటే ? రెండూ డిఫరెంట్ జానర్ సినిమాలు కదా అన్నాడు. కానీ నేను మసూద సినిమా కోసం రాహుల్ శ్రేయస్సు కోరి లవ్ టుడే ని పోస్ట్ పోన్ చేసుకున్నాను. తెలుగు డబ్బింగ్ చేసే మా పెర్సన్ ని కాస్త లేట్ చేయి అని చెప్పాను అంటూ అసలు సంగతి బయటపెట్టాడు దిల్ రాజు. ఏదేమైనా తను రిలీజ్ చేస్తున్న ఓ చిన్న సినిమా కోసం తన డబ్బింగ్ సినిమా రిలీజ్ వాయిదా వేసుకొని రెండిటిని వారం గ్యాప్ లో థియేటర్స్ లో వదులుతున్నాడు దిల్ రాజు.
ఇవి కూడా చదవండి..
