11 రోజుల్లో ‘అరవింద సమేత’ కలెక్షన్స్..

246
- Advertisement -

యంగ్‌ టైగర్‌ ఎన్టీఆర్‌ నటించిన ‘అరవింద సమేత వీర రాఘవ’ ఈ నెల 11వ తేదీన ప్రపంచవ్యాప్తంగా విడుదలైన సంగతి తెలిసిందే. త్రివిక్రమ్ దర్శకత్వంలో తెరకెక్కిన ఈ సినిమాలో పూజా హెగ్డే హీరోయిన్‌గా నటించింది. ఈ సినిమా, తొలి రోజునే సక్సెస్ టాక్ తెచ్చుకుంది. దసరా రోజుల్లో ఈ సినిమా వసూళ్ల పరంగా దూసుకుపోయింది. ఈ మూవీ విడుదలై ఇప్పటికే 11 రోజులైంది. ఈ పదకొండు రోజుల్లో యంగ్ టైగర్ తెలుగు రాష్ట్రాల నుండి షుమారు 69 కోట్ల రూపాయల షేర్ తీసుకొచ్చాడు. ఇక ప్రపంచవ్యాప్తంగా ‘అరవింద సమేత’ రూ. 91 కోట్ల షేర్ మార్క్‌ను దాటడం విశేషం.

Aravinda Sametha

ఎన్టీఆర్ కెరీర్‌లో ఇవే హయ్యెస్ట్ కలెక్షన్స్. ఇక ఈ చిత్రానికి త్రివిక్రమ్ ఇమేజ్ .. ఎన్టీఆర్ క్రేజ్ .. కథాకథనాలు ప్రధాన బలంగా నిలిచాయనే అభిప్రాయాలు వ్యక్తమవుతున్నాయి. పూజా హెగ్డే గ్లామర్ .. తమన్ సంగీతం ప్రత్యేక ఆకర్షణగా నిలిచాయని అంటున్నారు. ఈ సినిమా ఈ స్థాయి విజయాన్ని నమోదు చేయడం పట్ల ఎన్టీఆర్ అభిమానులంతా కూడా ఆనందాన్ని వ్యక్తం చేస్తున్నారు.

- Advertisement -