మార్చ్ 30న దసరా సినిమాతో ప్రేక్షకుల ముందుకు రాబోతున్నాడు నాని. ఈ సినిమా ప్రమోషన్స్ తో బిజీ అవ్వబోతున్నాడు. ఈ ల్యాండ్ మార్క్ మూవీ తర్వాత నాని పెద్ద లైనప్ రెడీ చేసుకున్నాడు. అవును నేచురల్ స్టార్ చేతిలో ఇప్పుడు అరడజను సినిమాలున్నాయి. వేణు శ్రీరామ్ డైరెక్షన్ లో దిల్ రాజు నిర్మాతగా నాని ఓ సినిమా చేసేందుకు రెడీ అవుతున్నాడు. గీతా ఆర్ట్స్ 2 లో భలే భలే మగడివోయ్ 2 కూడా ప్లానింగ్ లో ఉంది. హను రాఘవపూడి డైరెక్షన్ లో మరో సినిమా ఉండనే ఉంది.
శైలేష్ కొలనుతో వెంకటేష్ మూవీ తర్వాత ‘హిట్ 3’ చేయాల్సి ఉంది. ఇక వివేక్ ఆత్రేయతో ఇటీవలే అంటే సుందరనికీ సినిమా చేసిన నాని మరో సినిమా కూడా చేయబోతున్నాడు. ఈ కాంబో సినిమాను డీవీవీ దానయ్య నిర్మించే అవకాశం ఉంది. ఇక పీపుల్ మీడియా లో ఒకటి సితార లో ఇంకొకటి చేయాల్సి ఉంది. రెండు బేనర్స్ నుండి నాని ఎడ్వాన్స్ అందుకున్నాడు.
ఏదేమైనా నేచురల్ స్టార్ పకడ్బందీగా ఓ పెద్ద లైనప్ పెట్టుకున్నాడు. దసరా రిజల్ట్ తర్వాత ఈ కౌంట్ పెరిగే అవకాశం ఉంది. ప్రస్తుతం దసరా తర్వాత వేణు శ్రీరామ్ , వివేక్ ఆత్రేయ సినిమాలను సెట్స్ పైకి తీసుకొచ్చే ఆలోచనలో ఉన్నాడు నాని.
ఇవి కూడా చదవండి…
