కొత్త లేబర్ కోడ్స్..మైలురాయి: చంద్రబాబు

భారతదేశంలో తీసుకొచ్చిన కొత్త లేబర్ కోడ్స్ (కొత్త కార్మిక చట్టాలు) దేశ అభివృద్ధి దిశలో ఒక మైలురాయి వంటివని ఆంధ్రప్రదేశ్ ముఖ్యమంత్రి నారా చంద్రబాబు నాయుడు వ్యాఖ్యానించారు. ఈ లేబర్ కోడ్స్‌ను 1991 ఆర్థిక సంస్కరణల తర్వాత అత్యంత కీలకమైన మార్పులుగా ఆయన అభివర్ణించారు. ఉద్యోగులకు భద్రత మరింత బలోపేతం అవుతుందని, అలాగే వేతనాలకు హామీ లభిస్తుందని సీఎం పేర్కొన్నారు.

ఈ చట్టాల ద్వారా కార్మికుల గౌరవం, హక్కులకు ఎక్కువ ప్రాముఖ్యత లభిస్తుందని చంద్రబాబు స్పష్టం చేశారు. ముఖ్యంగా,గిగ్ వర్కర్లకు (Gig Workers) ప్రత్యేక రక్షణలు కల్పించబడతాయి.

మహిళలకు మరింత ఎక్కువ సమానత్వం (Equal Opportunity) లభిస్తుంది. ఈ చారిత్రాత్మక సంస్కరణ భారతదేశాన్ని ప్రపంచస్థాయి ఆర్థిక వ్యవస్థగా తీర్చిదిద్దుతుందని, ఇది దేశ పురోగతికి దోహదపడుతుందని ఏపీ సీఎం అన్నారు. ఇంతటి కీలకమైన సంస్కరణను అందించినందుకు గాను ఆయన ప్రధానమంత్రికి అభినందనలు తెలియజేశారు.

Also Read:Maharashtra:103 చోట్ల బీజేపీ ఏకగ్రీవం