అనుష్క శెట్టి తెలుగు .. తమిళ భాషల్లో ఈ హీరోయిన్‌కి విపరీతమైన క్రేజ్ వుంది. లేడీ ఓరియెంటెడ్‌ మూవీస్‌తో ఆమె తన సత్తా చాటుకుంది. అలాంటి అనుష్కకి గతంలో హిందీ .. మలయాళం నుంచి కూడా కూడా భారీగా అవకాశాలు వచ్చాయి. అయినా అప్పుడు ఆమె పెద్దగా ఆసక్తిని చూపించలేదు. అయితే తాజాగా ఆమె ఓ మలయాళ సినిమాను చేయడానికి అంగీకరించడం విశేషం. ఈ అమ్మడు నటించిన లేటెస్ట్ చిత్రం భాగమతి చిత్రం అనుకున్న స్థాయిలో కలెక్షన్లు రాబట్టిందంటే అందుకు కారణం ఆమెకున్న ఇమేజేనని చెప్పక తప్పదు.
ఇక భాగమతి తరవాత అనుష్క కొత్త సినిమాలు ఓకే చేయలేదు. సినిమాలు చేయకపోవడం కాదు.. ఆఫర్లేవీ రావడం లేదని స్వీటీ ఓపెన్ గానే చెప్పింది. ఇలాంటి టైంలో ఆమెకు మళయాళం నుంచి ఆఫర్ వచ్చింది. మళయాళ సూపర్ స్టార్ మమ్ముట్టి హీరోగా చేయబోయే సినిమాలో హీరోయిన్ గా చేసేందుకు అనుష్క ఓకే చెప్పిందని తెలుస్తోంది.
అనుష్కకు సౌత్ లో ఎంతో క్రేజ్ ఉన్నా కేవలం తమిళం.. తెలుగు సినిమాలు మాత్రమే చేసింది. ఒకానొక టైంలో బాలీవుడ్ నుంచి ఆఫర్లు వచ్చినా కాదనేసింది. ఇంతవరకు మళయాళంలో సినిమాలేవీ చేయలేదు. కాకపోతే ముమ్మట్టి పక్కన హీరోయిన్ కావడంతో ఆ భాషలో సినిమా చేయడానికి ఓకే చెప్పిందని అనుష్క సన్నిహితులు అంటున్నారు.
దీంతోపాటు అనుష్క తమిళ్ డైరెక్టర్ గౌతమ్ మీనన్ దర్శకత్వంలో ఓ సినిమా చేసే అవకాశం ఉంది. ఇంతకుముందు ఆయన డైరెక్షన్ లో అజిత్ హీరోగా నటించిన ఎంతవాడుగాని.. సినిమాలో అనుష్క యాక్ట్ చేసింది. గౌతమ్ మీనన్ ప్రస్తుతం శింబు హీరోగా ఓ సినిమా చేస్తున్నాడు. అది పూర్తయ్యాక అనుష్కతో మూవీ స్టార్ట్ చేసే అవకాశముందని సమాచారం.
