అనుష్క ప్రభాస్‌ల జోడీ సిల్వ‌ర్ స్క్రీన్ పైనే కాకుండా బయటకు కూడా బాగుంటుందని అందరూ అంటుంటారు. వీరిద్దరు కలిసి బిల్లా, మిర్చి, బాహుబలి సినిమాల్లో నటించారు. జనాల్లో కూడా ప్రభాస్ పర్సనాలిటీకి అనుష్కనే సూటవుతుందన్న ఫీలింగ్ వచ్చేసింది. ఇన్నేళ్లపాటు కలిసి సినిమాలు చేస్తున్న వీరి మధ్య స్నేహం కూడా అదే స్థాయిలో ఉంది. దీన్నే అసరాగా చేసుకొని త్వరలో అనుష్క-ప్రభాస్‌లు పెళ్లి బంధంతో ఒక్కటి కానున్నారని సోషల్ మీడియాలో వార్తలు వస్తున్నాయి. ఈ విషయమై చాలా కాలంగా ఓపిక పట్టిన స్వీటి.. తప్పుడు రూమర్స్ క్రియేట్ చేస్తే పోలీస్ కంప్లైంట్ ఇస్తానని ఘాటుగా స్పందించింది.
అయితే ఈ విషయాన్ని పక్కనపెడితే.. ప్రభాస్ కూడా తరువాత సినిమా సాహో కోసం సిద్దమవుతున్నాడు. ఇటీవలె కొత్త లుక్‌ను సోషల్ మీడియాలో పంచుకున్నాడు. ఈ నెలలోనే షూటింగ్ మొదలుపెట్టబోతుంది సాహో టీం. ఇప్పటికే ప్రీ ప్రొడక్షన్‌లు షరవేగంగా జరుపుకుంటున్న ఈ సినిమాలో హీరోయిన్‌ ఎవరన్నది తేలడం లేదు. ప్రభాస్‌కు జోడీగా బాలీవుడ్ హీరోయిన్లు కత్రినా కైఫ్, శ్రద్ధా కపూర్, దిశా పటానీ లను అనుకున్నప్పటికీ.. వారు భారీగా పారితోషకం డిమాండ్ చేస్తుండడంతో.. వారిని ‘సాహో’ యూనిట్ రిజెక్ట్ చేసింది. ఇటీవల తమన్నాను ప్రభాస్ జోడీ అంటూ వార్తలు వచ్చాయి కానీ.. కన్ఫర్మేషన్‌ లేదు. అయితే, చివ‌రికి ప్రభాస్ స‌ర‌స‌న న‌టించేందుకు స్వీటి అనుష్కనే ఎంపిక చేసినట్లు తెలిసింది. అనుష్కకు దక్షిణాదిన మంచి ఫాలోయింగ్ ఉంది. ‘బాహుబలి’తో ఉత్తరాది ప్రేక్షకులకూ చేరువైన అనుష్కతో ప్రభాస్‌కు మంచి ట్రాక్ రికార్డు ఉండటం కూడా కలిసొస్తుందని భావిస్తున్నారు. తెలుగు, తమిళం, హిందీ భాషల్లో తెరకెక్కనున్న ‘సాహో’ బడ్జెట్‌ రూ. 150 కోట్లు..’రన్ రాజా రన్’ ఫేమ్ సుజీత్ దర్శకత్వంలో రూపొందుతున్న ఈ చిత్రాన్ని ‘యువి క్రియేషన్స్’ నిర్మిస్తోంది.
