అనుష్క…నిశ్శబ్దం లుక్ అదిరిపోయింది

‘అరుంధతి’, ‘బాహుబలి’, ‘రుద్రమదేవి’, ‘సైజ్ జీరో’, ‘భాగమతి’ చిత్రాల్లో వైవిధ్యమైన పాత్రలు చేసిన అనుష్క ప్రస్తుతం ‘నిశ్శబ్ధం’ అనే చిత్రంలో నటిస్తోంది. హేమంత్ మధుకర్ దర్శక‌త్వంలో రూపొందుతున్న ఈ చిత్రాన్ని టి.జి.విశ్వప్రసాద్, కోన వెంకట్ సంయుక్తంగా నిర్మిస్తున్నారు. అమెరికాలో ఎక్కువ భాగం చిత్రీక‌ర‌ణ జ‌రుపుకున్న ఈ చిత్రం తెలుగు, తమిళ, ఇంగ్లీష్, హిందీ, మలయాళ భాషల్లో  భారీస్థాయిలో విడుదల కానుంది.

సంక్రాంతి కానుకగా సినిమా పోస్టర్‌ని విడుదల చేసింది చిత్రయూనిట్. పోస్టర్‌ లుక్ అదిరిపోయేలా డిజైన్ చేశారు. మాధవన్‌ కోపంగా చూస్తుంటే భయపడుతున్నట్లు ఉండే అనుష్క లుక్ అందరిని ఆకట్టుకుంది.

అంజలి, మైఖేల్‌మ్యాడ్‌సన్, షాలినిపాండే, శ్రీనివాస్ అవసరాల తదితరులు నటిస్తున్న ఈ చిత్రానికి గోపీసుందర్ సంగీతం అందిస్తున్నారు.