త్వరలో అంతరిక్షం సీక్వెల్‌..!

మెగా హీరో వరుణ్ తేజ్, హీరోయిన్ లావణ్య త్రిపాఠి , అదితి రావు హైదరి ప్రధాన పాత్రల్లో నటిస్తున్న చిత్రం ‘అంతరిక్షం 9000 KMPH’. దర్శకుడు క్రిష్,రాజీవ్ రెడ్డిల ఫస్ట్ ఫ్రేమ్ ఎంటర్‌టైన్‌మెంట్ బ్యానర్‌పై ఘాజీ ఫేమ్ సంకల్ప్ రెడ్డి దర్శకత్వం వహిస్తున్నారు. డిసెంబర్ 21 న ప్రపంచవ్యాప్తంగా సినిమా విడుదల కానుంది.

ఇటీవల విడుదల చేసిన టీజర్‌కి మంచిరెస్పాన్స్ వచ్చింది. ఈ నేపథ్యంలో అంతరిక్షం సినిమాకు సీక్వెల్ చేసే యోచనలో వున్నట్టు దర్శకుడు సంకల్ప్ రెడ్డి వెల్లడించాడు. దీని కథ పాయింట్ కూడా అనుకున్నామని, క్రిష్ బ్యానర్లోనే ఇది ఉంటుందని ఆయన చెప్పాడు. సినిమా చూసి అందరూ అమేజింగ్‌గా ఫీల్ అవుతారన్నారు.

ఈ సినిమా కోసం అందరం చాలా కష్టపడి పనిచేశామని తప్పకుండా అందరికి నచ్చుతుందన్నారు.