నేచురల్ స్టార్ నాని హీరోగా వివేక్ ఆత్రేయ దర్శకత్వంలో ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తున్న రొమాంటిక్ కామెడీ ఎంటర్‌టైనర్ ‘అంటే సుందరానికి’. నజ్రియా ఫహద్ ఈ చిత్రంతో టాలీవుడ్ ఎంట్రీ ఇస్తున్నారు. పూర్తి వినోదపరమైన అంశాలతో రూపొందించిన సినిమా ఇది. వివేక్ సాగర్ ఈ సినిమాకి సంగీతాన్ని అందించాడు. సుందరం పాత్రలో నాని నటించగా, లీలా థామస్ పాత్రలో నజ్రియా అలరించనుంది.
ఈ సినిమా నుంచి ఇంతవరకూ వదిలిన అప్ డేట్స్ జనంలోకి బాగా వెళ్లాయి. ఈ నేపథ్యంలో తాజాగా ఈ సినిమా ట్రైలర్ రిలీజ్ ఈవెంట్ డేట్ ను ప్రకటిస్తూ, అధికారిక పోస్టర్‌ను రిలీజ్ చేశారు చిత్ర బృందం. జూన్ 2వ తేదీన వైజాగ్ ఆంధ్ర యూనివర్సిటీలోని సీఆర్ కాన్వోకేషన్ హాల్ లో ఈ వేడుకను నిర్వహిస్తున్నారు. ఆ రోజున సాయంత్రం 5 గంటల నుంచి ఈ కార్యక్రమం ప్రారంభమమవుతుంది. ఈ మూవీలో నరేశ్.. నదియా.. రోహిణి ముఖ్యమైన పాత్రలను పోషించారు.
ఈ చిత్రానికి రవితేజ గిరిజాల ఎడిటర్‌గా నికేత్ బొమ్మి సినిమాటోగ్రాఫర్ పని చేస్తున్నారు. ఈ చిత్రం తమిళ వెర్షన్‌కి ‘అడాడే సుందరా’ అనే టైటిల్‌ని పెట్టగా, మలయాళ వెర్షన్‌కి ‘ఆహా సుందరా’ అనే టైటిల్‌ను ఖరారు చేశారు.జూన్ 10న మూడు భాషల్లో ఒకేసారి ఈ సినిమా ప్రపంచ వ్యాప్తంగా విడుదల కానుంది.
