బాబీ ద‌ర్శ‌క‌త్వంలో యంగ్ టైగర్ ఎన్టీఆర్ తొలిసారి మూడు విభిన్న పాత్ర‌ల‌లో న‌టించిన చిత్రం జై ల‌వ‌కుశ. రిలీజ్‌కి సమయం దగ్గర పడుతుండడంతో ప్రమోషన్ మొదలుపెట్టేసింది యూనిట్. ఇందులోభాగంగా రెండు పోస్టర్లను విడుదల చేసింది. ఒక పోస్టర్‌లో ముగ్గురు ఎన్టీఆర్‌‌లు కనిపించారు.ఈ చిత్రం సెప్టెంబ‌ర్ 21న విడుదల కానుంది. చిత్రానికి సంబంధించి ఎన్టీఆర్ మూడు లుక్స్ విడుదల చేసి అభిమానుల‌లో సినిమాపై భారీ అంచ‌నాలు పెంచిన టీం.. నాలుగే పాటలతో నిరాశపరిచింది.
అద్భుతమైన సాహిత్యం, సంగీతం ఉన్న ఈ పాటలు మళ్ళీ మళ్ళీ వినేలా ఉండడంతో మరో పాట కూడా ఉంచితే బాగుండేదని అభిమానులు అభిప్రాయపడ్డారు . ఈ క్రమంలో జూనియర్ ఎన్టీఆర్ త్వరలోనే ఐదో పాటను కూడా విడుదల చేయనున్నామని తెలిపాడు. ఈ పాట ఫోక్ స్టైల్‌ లో ఉంటుందని తెలుస్తుండగా, ఈ సాంగ్‌ కి ఎన్టీఆర్ స్టెప్పులు జతకలవడంతో థియేటర్స్ దద్దరిల్లడం ఖాయమని చెబుతున్నారు.
ఇప్పటికే మూడు పాత్రలకు సంబంధించిన స్టిల్స్‌ , టీజర్లు బయటకి రావడంతో ఈ సినిమాలో ఎన్టీఆర్ నటన ఏ రేంజ్‌లో ఉంటుందనేది జనానికి అర్థమై పోయింది. ఈ సినిమాతో సరికొత్త రికార్డులు నెలకొల్పాలనే పట్టుదలతో దర్శకుడు కె.ఎస్.రవీంద్ర(బాబీ) కృషి చేస్తున్నారు. రాఖీ ఖన్నా, నివేధా థామస్ కథానాయికలుగా నటిస్తున్న ఈ చిత్రం కళ్యాణ్‌ రామ్ నిర్మాణంలో రూపొందుతున్న సంగతి తెలిసిందే.
