విలన్‌గా ఉన్న వాళ్ళు హీరోలు అవ్వాలనుకుంటారు. కానీ ఆల్రెడీ హీరోగా రన్‌ అవుతున్నవారో? ఖచ్చితంగా విలన్ అవ్వాల్సిందే. ఇదే ఇప్పటి ట్రెండ్‌. ఈ ట్రెండ్‌ నే ఫాలో అవుతున్నాడు మరో సీనియర్ హీరో. హీరోలు గా సక్సెస్ లు అందుకున్నవారికి ఇప్పుడు హీరో పాత్రలు బోర్‌ కొడుతున్నాయేమో.. అందుకే విలన్‌గా భయపెట్టెయ్యాలని ఫిక్స్‌ అయిపోతున్నారు.
అయితే ఇప్పటికే ఎన్నో హిట్ చిత్రాల్లో నటించిన జగపతి బాబు, విలన్‌గా ఎంట్రీ ఇచ్చి అందరికీ షాక్‌ ఇస్తూ..విలన్ కమ్ క్యారెక్టర్ ఆర్టిస్టుగా బాగా క్లిక్ అయ్యాడు జగ్గుభాయ్‌.
ఇప్పుడు ఇదే రూట్లో నడవాలని సీనియర్ హీరో శ్రీకాంత్ కూడా ఫిక్స్‌ అయ్యాడు. సరైనోడు,గోవిందుడు అందరివాడేలే..లాంటి సినిమాల్లో క్యారెక్టర్ రోల్స్ చేసిన శ్రీకాంత్ ఇప్పుడు విలన్ వేషాలకు కూడా సై అంటున్నాడు. అయితే కెరీర్‌ స్టార్టింగ్‌లో విలన్ గెటప్‌ లోనే ఎంట్రీ ఇచ్చాడు శ్రీకాంత్. కాబట్టి ఈ హీరోకి విలన్ రోల్స్ కొత్తేమికాదు. అయితే క్రమంగా విలన్ నుంచి హీరోగా క్రేజ్‌ తెచ్చుకున్న శ్రీకాంత్.. క్యారెక్టర్ ఆర్టిస్టుగా కూడా మారాడు. హీరోగా ఫుల్‌ క్రేజ్‌ తెచ్చుకునే టైంలో కూడా చిరంజీవి, బాలకృష్ణ, లాంటి హీరోల సినిమాలలో క్యారెక్టర్ ఆర్టిస్టుగా చేశాడు శ్రీకాంత్.
ఇదిలా ఉంటే…జగ్గుభాయ్‌ లా విలన్ గా కనిపించాలన్న కోరికను నాగచైతన్య సినిమాతో తీర్చేసుకుంటున్నాడు ఈ సీనియర్ హీరో.
కృష్ణ మరిముత్తు దర్శకత్వంలో నాగచైతన్య ఓ సినిమా చేస్తున్న విషయం అందరికీ తెలిసిందే. ఇక ఈ సినిమాలోనే విలన్ గా కనిపించనున్నాడు శ్రీకాంత్. ఇందుకోసం ఇప్పటినుంచే లుక్స్‌ మార్చేస్తున్నాడు. శ్రీకాంత్ ప్రస్తుతం ఓ కన్నడ సినిమాలో నటిస్తున్నాడు.
ఈ సినిమా కోసం గడ్డం పెంచేసి డిఫెరెంట్‌ లుక్‌ తో చేంజ్‌ అయ్యాడు శ్రీకాంత్. అయితే ఇప్పుడు కూడా అదే లుక్‌ తో నాగచైతన్య సినిమాలోనూ కనిపించనున్నాడని టాక్‌. మొత్తానికి ఈ సీనియర్ హీరో మళ్ళీ విలన్ వేషాలకు కూడా సై అంటున్నాడన్నమాట.
