టాలీవుడ్‌లో చిరింజీవి ‘స్వయంకృషి’తో ఎదిగి తనకుంటూ ఓ ప్రత్యేకమైన గుర్తింపును సంపాదించుకుని మెగాస్టార్‌గా ఎదిగారు. ఓ సాధారణ కుటుంబం నుంచి వచ్చిన ఆయన తన ప్రతిభతో అంచలంచెలుగా ఎదిగి అభిమానులను కూడగట్టుకున్నారు. తెలుగు చిత్ర పరిశ్రమలో ఆయనకున్న స్థానం గురించి ప్రత్యేకంగా చెప్పనక్కర్లేదు.
ఆ తర్వాత చిరంజీవి తమ్ముడిగా టాలీవుడ్‌కు ఎంట్రీ ఇచ్చాడు పవన్ కల్యాణ్. తన సొంత ప్రతిభతోనే అనతి కాలంలోనే పవర్ స్టార్‌గా అభిమానుల లోకాన్ని సృష్టించుకున్నాడు. తర్వాత నాగబాబు, అల్లుఅర్జున్, రామ్ చరణ్‌, సాయి ధరమ్‌ తేజ్ వంటి హీరోలు టాలీవుడ్‌లో నిలదొక్కుకుని వారి నటనతో మంచి మంచి సినిమాలు చేస్తూ హిట్‌లను అందుకుంటున్నారు. ఇటీవల కాలంలోనే చిరంజీవి మేనల్లుడు కళ్యాణ్ ఎంట్రీ ఇచ్చి ప్రస్తుతం ఓ సినిమా షూటింగ్‌లో కూడా బిజీగా అయి పోయాడు.
తాజాగా మెగా ఫ్యామిలీ నుంచి మారో హీరో పరిచయమవుతున్నాడు. ఆయన ఎవరో కాదు సాయి ధరమ్‌ తేజ్ తమ్ముడు వైష్ణవ్ తేజ్. త్వరలో అవసరాల శ్రీనివాస్ దర్శకత్వంలో ఓ సినిమాను చేయనున్నట్లు సమాచారం. ఈ సినిమాను సాయి కొర్రపాటి నిర్మాణ సారథ్యంలో తెరకెక్కుతున్నట్లు తెలుస్తోంది. మెగా ఫ్యామిలీ నుంచి వచ్చిన హీరోలందరూ తక్కువ కాలంలోనే వారి నటనతో హీరోలుగా మంచి గుర్తింపును సొంతం చేసుకున్నారు. వైష్ణవ్ తేజ్ కూడా తన నటనతో ఎలా ఆకట్టుకుంటాడో చూడాలి మరి..!
