రణ్బీర్ కపూర్ హీరోగా అర్జున్‌ రెడ్డి డైరెక్టర్ సందీప్‌రెడ్డి వంగా తెరకెక్కించిన యానిమల్ మూవీ భారీ అంచనాల మధ్య నిన్న విడుదలైంది. రణ్బీర్ వన్ మ్యాన్ షోగా సాగిన ఈ మూవీ తండ్రి సెంటిమెంట్‌తో తెరకెక్కింది. రణ్బీర్ నటన తన కెరీర్‌లోనే బెస్ట్‌గా నిలవగా, హీరోయిన్ రష్మిక క్యారెక్ట‌ర్ సైతం అద్భుతంగా ఉంది. ఇక యానిమల్ సినిమా రికార్డు సాధించింది. విడుదలైన శుక్రవారం నాడే ప్రపంచ వ్యాప్తంగా రూ.116 కోట్లు వసూళ్లు చేసిందని ప్రముఖ నిర్మాణ సంస్థ టీ-సిరీస్ శనివారం వెల్లడించింది.
తండ్రీ, కుమారుడు నేపథ్యంలో తెరకెక్కిన ఈ చిత్రంలో రణబీర్ కపూర్, అనిల్ కపూర్, రష్మిక కీలక పాత్రలు పోషించారు. ఈ మూవీలో వయలెన్స్, అడల్డ్ కంటెంట్ అధికంగా ఉండటంతో ఫ్యామిలీతో కలిసి చూసేలా లేదు. కాకపోతే, రణబీర్ కపూర్ నటనను అందరూ ప్రశంసిస్తున్నారు. జాతీయ ఉత్తమ నటుడి అవార్డు కచ్చితంగా వరిస్తుందని సినీ విశ్లేషకులు చెబుతున్నారు. ప్రియురాలిగా, భార్యగా, తల్లిగా.. వైవిధ్యాన్ని ప్రదర్శించిన రష్మిక నటనకు అభిమానులు ఫిదా అవుతున్నారు.
ఈ క్రమంలోనే రణబీర్ కపూర్ కు జాతీయ ఉత్తమ నటుడి అవార్డు అందుకోవచ్చు అని టాక్ నడుస్తోంది. మొత్తానికి సందీప్ రెడ్డి వంగా మరో హిట్ అయితే కొట్టాడు. వాస్తవానికి సందీప్ రెడ్డి దర్శకత్వం పెద్దగా ఏమీ లేదు అని కూడా విమర్శలు వచ్చాయి.
Also Read:షర్మిల కొడుకు రాజారెడ్డి లవ్ మ్యారేజ్?
