గ్రీన్ ఛాలెంజ్‌: మొక్కలు నాటిన అనిల్ కుర్మాచలం

రాజ్యసభ సభ్యులు జోగినిపల్లి సంతోష్ కుమార్ ప్రారంభించిన గ్రీన్ ఇండియా ఛాలెంజ్‌లో భాగంగా టీఆర్‌ఎస్‌ ఎన్నారై అనిల్ కుర్మాచలం మొక్కలు నాటారు. ఇటీవల ఆయన రాష్ట్ర చలనచిత్ర అభివృద్ధి సంస్థ చైర్మన్‌గా ఎన్నికైన విషయం తెలిసిందే. ఈ మేరకు ఆయన ఆదివారం చైర్మన్‌గా బాధ్యతలు చేపట్టారు. ఈ సందర్భంగా మాసబ్ ట్యాంక్ లోని తన కార్యాలయ ఆవరణలో మూడు మొక్కలు నాటారు.

ఈ సందర్భంగా అనిల్ కుర్మాచలం మాట్లాడుతూ.. నా జీవితంలో ముఖ్యమైన ఈ రోజును గ్రీన్ ఇండియా ఛాలెంజ్‌లో మొక్కలు నాటి ప్రారంభిస్తున్నాను అని అన్నారు. మన ప్రియతమ నాయకుడు ఎంపీ సంతోష్ కుమార్ పర్యావరణ పరిరక్షణకు, గ్రీనరీ పెంచేందుకు కృషి చేస్తున్నారు. నా వంతు బాధ్యతగా ఈ రోజు మొక్కలు నాటానని అనిల్‌ తెలిపారు. ఇంత మంచి కార్యక్రమం మరింత ముందుకు తీసుకువెళ్ళాల్సిన బాధ్యత మనందరి మీద ఉందని ఆయన అన్నారు.