‘పక్కా కమర్షియల్’.. అలరిస్తున్న ‘అందాల రాశి’..

మ్యాచో స్టార్‌ గోపీచంద్ – టాలీవుడ్‌ బ్యూటీ రాశిఖన్నా జంటగా దర్శకుడు మారుతి తెరకెక్కిస్తున్న చిత్రం ‘పక్కా కమర్షియల్’. ఈ సినిమాను యూవీ క్రియేషన్స్, గీతా ఆర్ట్స్ కలిసి నిర్మించారు. ఈ సినిమాకి జేక్స్ బిజోయ్ సంగీతాన్ని సమకూర్చాడు. ఈ సినిమాను జూలై 1వ తేదీన విడుదల చేయనున్నారు. ఈ నేపథ్యంలో తాజాగా ఈ సినిమా నుంచి ఒక లిరికల్ సాంగ్‌ను రిలీజ్ చేశారు. ‘అందాల రాశి’ అంటూ సాగే ఈ పాటను ప్రత్యేకంగా వేసిన ఒక సెట్లో చిత్రీకరించారు. కృష్ణకాంత్ సాహిత్యాన్ని అందించిన ఈ పాటను శ్రీ చరణ్ – రమ్య బెహ్రా ఆలపించారు. జానీ మాస్టర్ కొరియోగ్రఫీని అందించాడు..