భారీ అంచనాలతో ప్రారంభమైన తెలుగు బిగ్ బాస్ 2కి మంచి ప్రేక్షకాదరణ లభిస్తోంది. తొలుత స్లోగా ప్రారంభమైన 40వ ఎపిసోడ్ చేరే సరికి క్యురియాసిటీ పెరిగిపోతోంది. మొదట కాస్త కూల్ గా సాగిన కొద్దిరోజుల నుంచి బిగ్ హౌస్‌లో కంటెస్టెంట్‌ల మధ్య తిట్లదండకంతో హాట్ హాట్ గా సాగుతోంది. 16 మంది సెలబ్రిటీలతో ప్రారంభమైన ఈ షోలో ఇప్పటికే ఐదుగురు ఎలిమినేట్ అయ్యారు.
ఈ నేపథ్యంలో బిగ్ హౌస్‌లో మరింత జోష్ పెంచేందుకు రంగం సిద్ధం చేశారు నిర్వాహకులు. మోస్ట్ ఎనర్జిటిక్ యాంకర్ ప్రదీప్‌ను వైల్డ్ కార్డ్ ఎంట్రీ ద్వారా హౌస్‌లోకి పంపించింది. ఇందుకు సంబంధించి ఓ వీడియోని సైతం విడుదల చేసింది స్టార్ మా. ఇప్పుడు ఈ వీడియో సోషల్ మీడియాలో వైరల్‌గా మారింది.
ఎంట్రీతోనే తనదైన మార్క్‌ కామెడీతో కంటెస్టెంట్‌ల అటెన్షన్‌ తన వైపు తిప్పుకున్నాడు ప్రదీప్. అంతేగాదు వారితో కంటతడి పెట్టించి షోపై మరింత ఆసక్తిని పెంచేశాడు. మరోవైపు ఈవారం ఎలిమినేషన్ జోన్‌లో మరో ఐదుగురు ఉన్నారు. ఈ ఐదుగురులో ఒకరు బిగ్ బాస్ హౌస్‌నుండి బయటకు వస్తున్న నేపథ్యంలో ఆసక్తిగా మారింది. మొదటి వారంలో సంజన ఎలిమినేట్ కాగా.. రెండో వారంలో నూతన్ నాయుడు, మూడవ వారంలో కిరీటి దామరాజు ,నాలుగోవారంలో యాంకర్ శ్యామల,ఐదోవారంలో సంజన ఎలిమినేట్ అయ్యారు.
https://twitter.com/StarMaa/status/1019836979284926470
