స్టైలిష్ స్టార్ అల్లు అర్జున్ అల..వైకుంఠపురంలో సినిమా సక్సెస్ తో పుల్ జోష్ లో ఉన్నాడు. ప్రస్తుతం ఈమూవీ సక్సెస్ ను ఎంజాయ్ చేస్తున్నాడు బన్ని. త్రివిక్రమ్ శ్రీనివాస్ దర్శకత్వం వహించిన ఈచిత్రం భారీ విజయాన్ని సొంతం చేసుకుంది. ఇక అల్లు అర్జున్ తర్వాతి మూవీ సుకుమార్ దర్శకత్వంలో చేయనున్నాడు. ఇప్పటికే ఈమూవీ ఫస్ట్ షెడ్యూల్ ను పూర్తి చేసుకుంది. శేషాచలం అడవుల్లో జరిగే ఎర్రచందనం స్మగ్లింగ్ నేపథ్యంలో ఈ కథ నడుస్తుంది. ఈ సినిమాలో అల్లు అర్జున్ లారీ డ్రైవర్ గా కనిపించనున్నాడు. త్వరలోనే బన్ని ఈమూవీ షూటింగ్ లో జాయిన్ కానున్నాడు.
తాజాగా ఉన్న సమాచారం మేరకు ఈమూవీలో అనసూయ ప్రత్యేక పాత్రలో నటించనుందట. అనసూయ కోసం సుకుమార్ కొత్త పాత్రను క్రియేట్ చేశాడని తెలుస్తుంది. సుకుమార్ దర్శకత్వంలో తెరకెక్కిన రంగస్ధలం సినిమాలో అనసూయ రంగమ్మత పాత్రలో నటించిన సంగతి తెలిసిందే. ఈమూవీలో అనసూయ పాత్రకు మంచి స్పందన వచ్చింది. ఈసినిమాతో అనసూయకు మరింత పేరు రానుందని భావిస్తున్నారు ఇండస్ట్రీ వర్గాలు. మైత్రి మూవీ మేకర్స్ బ్యానర్ పై ఈచిత్రాన్ని నిర్మిస్తున్నారు.
