రామ్ చరణ్ తేజ్, సుకుమార్ ద‌ర్శ‌క‌త్వంలో రూపుదిద్దుకున్న‘రంగస్థలం’ సినిమా విడుద‌ల‌కు సిద్ధ‌మైన విష‌యం తెలిసిందే. ఇప్పుడు మొత్తం తెలుగు జనాలు అంతా ఫుల్లుగా ఈ సినిమా చుట్టే తిరిగేస్తున్నారు. వేరే సినిమాల సంగతులు కూడా మధ్యమధ్యలో హల్ చల్ చేస్తున్నాయి కానీ.. మరో వారంలో రిలీజ్ కానున్న రామ్ చరణ్ మూవీపై జనాల్లో ఆసక్తి ఎక్కువగా కనిపిస్తోంది. జనాల అటెన్షన్ ను అంతకంతకూ పెంచుకుంటూ వెళ్లడంపై పక్కా ప్లానింగ్ తో ఉన్న రంగస్థలం మూవీ టీం.. తమ ఐడియాలను సక్సెస్ ఫుల్ గా అప్లై చేస్తున్నారు.
ఇక ఈ సినిమాలో తాను ‘రంగమ్మత్త’ అనే పాత్ర‌లో న‌టిస్తున్నాన‌ని ఇటీవల యాంక‌ర్, న‌టి అనసూయ వెల్లడించడమే కాకుండా, ఈ సినిమాలోని త‌న లుక్ ను కూడా విడుద‌ల చేసింది. తాజాగా అనసూయ మరో ఫొటో పోస్ట్ చేసి అల‌రించింది. ఈ సినిమా షూటింగ్ జ‌రుగుతున్న‌ప్పుడు సుకుమార్‌తో క‌లిసి దిగిన ఫొటోను ఆమె పోస్ట్ చేసి ‘గురువుగారికి రంగమ్మత్త గురోపదేశం’ అని పేర్కొంది. ఈ ఫొటోలో అనసూయ ఒక పుస్తకం చేతిలో ప‌ట్టుకుని కుర్చీలో కూర్చొని, అక్క‌డికి వ‌చ్చిన సుకుమార్‌తో ముచ్చట్లాడుతోంది.
చిత్రంలో జగపతిబాబు, ఆదిపినిశెట్టి కీలక పాత్రలు పోషిస్తున్నారు. దేవి శ్రీ ప్రసాద్ అందించిన సంగీతానికి హ్యూజ్ రెస్పాన్స్ వ‌చ్చిన సంగ‌తి తెలిసిందే. మార్చి 30న ఈ చిత్రం విడుదలకానుంది.
Guruvu gariki Rangammatta guropadesam.. 🤪🤩😍#Throwback #WhileShootInProgress#RangasthalamOn30thMarch #Rangammatta pic.twitter.com/YX489t2GO6
— Anasuya Bharadwaj (@anusuyakhasba) March 24, 2018
