షూటింగ్ జరుతున్న సమయంలో అందరూ ఎంత ఎగ్జైమెంట్‌తో ఉంటారో…అంతే జాగ్రత్తగా కూడా ఉండాలి. ఎందుకంటే..వారి అజాగ్రత్త వల్ల గాయాలపాలయ్యే అవకాశాలు కూడా ఉన్నాయి. అయితే ఇంగ్లీష్ బ్యూటీ అమీ జాక్సన్ కు గాయాలయ్యాయట. ఈ అమ్మడు ఓ యాడ్ షూటింగ్ లో పాల్గొనేందుకు తాజాగా లండన్ వెళ్లిందట.
చిత్రీకరణ జరుగుతున్న సమయంలో ఈ అమ్మడు అదుపుతప్పి పడిపోవడంతో కాలికి గాయమైందని చెబుతున్నారు. కాలికి గాయం అయినా..అలాగే షూటింగ్ పూర్తి చేసి ఆ తర్వాత చికిత్స తీసుకుందట అమీ. దీంతో వైద్యులు పరీక్షానంతరం అమీకి కొన్ని రోజులు విశ్రాంతి అవసరమని చెప్పినట్టు తెలుస్తుంది.
ఇదిలా ఉండగా శంకర్ తెరకెక్కిస్తున్న క్రేజీ ప్రాజెక్ట్ 2.0 లో కథానాయికగా నటించిన అమీ జాక్సన్ తాజాగా చిత్ర షూటింగ్ కి గుడ్ బై చెప్పింది. అంతేకాదు త్వరలో మరో క్రేజీ ప్రాజెక్ట్ లో కూడా నటించేందుకు రెడీ అయింది. విజయ్ సేతుపతి ప్రధాన పాత్రలో రూపొందనున్న చిత్రాన్ని కాష్మోరా ఫేం గోకుల్ తెరకెక్కించనున్నాడని తెలుస్తుండగా ఇందులో హీరోయిన్ గా అమీనే తీసుకోవాలని భావిస్తున్నారట. కానీ దీనిపై ఇంకా క్లారిటీ రావాల్సి ఉంది.
