బర్త్ టూరిజంపై అమెరికా కఠిన చర్యలు

అమెరికాలో జన్మించే పిల్లలకు సహజసిద్ధంగా లభించే పౌరసత్వాన్ని ఆసరాగా చేసుకుని సాగుతున్న “బర్త్ టూరిజం” (Birth Tourism) పై బైడెన్ యంత్రాంగం చర్యలు తీవ్రతరం చేసింది. నిబంధనలను ఉల్లంఘించి, కేవలం పిల్లలకు అమెరికా పౌరసత్వం కల్పించడమే ధ్యేయంగా దేశంలోకి ప్రవేశిస్తున్న విదేశీయులపై ట్రంప్ ప్రభుత్వం కఠిన ఆంక్షలు అమలు చేస్తోంది. ఈ క్రమంలోనే ఒక్క జూలై నెలలోనే దాదాపు 600 మంది గర్భిణుల వీసాలను అమెరికా విదేశాంగ శాఖ రద్దు చేసింది.

అమెరికా రాజ్యాంగంలోని 14వ సవరణ ప్రకారం.. ఆ దేశ భూభాగంలో జన్మించిన ప్రతి చిన్నారికి కూడా అమెరికా పౌరసత్వం లభిస్తుంది. దీనిని ఆసరాగా చేసుకుని, అనేక దేశాల నుంచి గర్భిణులు పర్యాటక వీసాలపై (B1/B2) అమెరికాకు చేరుకుంటున్నారు. ప్రసవానంతరం తమ పిల్లలకు అమెరికా పాస్‌పోర్ట్ పొంది తిరిగి సొంత దేశాలకు వెళ్తున్నారు. ఈ ప్రక్రియనే అంతర్జాతీయంగా ‘బర్త్ టూరిజం’ అని పిలుస్తారు.

అమెరికా సరిహద్దు భద్రతా దళాలు మరియు ఎంబసీ అధికారులు నిర్వహించిన ప్రత్యేక తనిఖీల్లో విస్తుపోయే నిజాలు వెలుగులోకి వచ్చాయి.పర్యాటక వీసాలపై వచ్చి, ప్రసవ సమయానికి (9వ నెలలో) సరిహద్దులు లేదా విమానాశ్రయాల్లో దిగుతున్న వారిని అధికారులు నిశితంగా పరిశీలించారు.వీసా దరఖాస్తు సమయంలో వైద్య చికిత్స లేదా ప్రసవం కోసం వస్తున్నట్లు ముందస్తుగా వెల్లడించకపోవడం, సరిపడా వైద్య ఖర్చుల బిల్లుల చెల్లింపు సామర్థ్యం చూపకపోవడంతో వీరి వీసాలను తక్షణమే రద్దు చేశారు.

ఒక్క జూలై నెలలోనే 600 కంటే ఎక్కువ మంది వీసాలను రద్దు చేసి, వారిని స్వదేశాలకు తిప్పి పంపినట్లు నివేదికలు స్పష్టం చేస్తున్నాయి. గత కొన్నేళ్లుగా అమెరికా ప్రభుత్వం పర్యాటక వీసాల దుర్వినియోగాన్ని అడ్డుకునేందుకు కఠిన మార్గదర్శకాలను అమలు చేస్తోంది. కేవలం ప్రసవం కోసమే అమెరికాకు ప్రయాణిస్తున్నారని అనుమానం వస్తే, దౌత్యకార్యాలయాలు వీసాలను నిరాకరించే అధికారాన్ని కలిగి ఉన్నాయి. ఒకవేళ వైద్య అత్యవసరాల కోసం రావాల్సి వస్తే, దానికి సంబంధించిన పూర్తి ఆసుపత్రి ఖర్చులు భరించగలమని రుజువు చేసే ఆర్థిక ఆధారాలను సమర్పించాల్సి ఉంటుంది.సరిహద్దు భద్రతను పటిష్టం చేయడంతో పాటు పన్ను చెల్లింపుదారుల సొమ్ము దుర్వినియోగం కాకుండా ఉండటానికే ఈ చర్యలు చేపట్టినట్లు అమెరికా అధికారులు వెల్లడించారు.

Also Read:హైడ్రా కూల్చివేతలపై హైకోర్టు నివేదిక!