ఎయిపోర్ట్‌లో ఓ యువతి హల్చల్‌.. వైరల్‌ వీడియో. !

తాను ఎక్కాల్సిన కనెక్టింగ్ ఫ్లైట్ వెళ్లిపోవడంతో మహ్షీద్ మజూజీ అనే యువతి నార్త్ కరోలినాలోని చార్జెట్ విమానాశ్రయంలో రాత్రంతా గడపాల్సి వచ్చింది. దీంతో ఆమె ఫ్లైట్ గురించి దిగులు చెందకుండా.. వెయిటింగ్ టైమ్‌ని ఎంట‌ర్‌టైన్‌మెంట్ టైమ్‌గా మార్చేసింది.

ఎలాగంటే సదరు అమెరికా యువ‌తి డ్యాన్స్‌తో హల్చల్‌ చేస్తూ.. అంద‌రినీ ఆక‌ట్టుకుంది. అక్క‌డి దుకాణాల్లో ప‌నిచేసే వారితో, విమానాల కోసం ఎదురుచూస్తున్న ఇత‌ర ప్ర‌యాణికుల‌తో క‌లిసి మ‌హ్షీద్ స్టెప్పులు వేసింది. ఈ వీడియోను ఆమె సోష‌ల్ మీడియాలో షేర్ చేసింది. షేర్ చేసిన కొద్దిసేప‌టికే పది ల‌క్ష‌ల‌కు పైగా వ్యూస్‌ వ‌చ్చాయి. అంతేకాదు ఇప్పుడీ వీడియో సోషల్‌ మీడియాలో వైరల్‌ అవుతోంది కూడా.