టాలీవుడ్ స్టైలిష్‌స్టార్‌ అల్లు అర్జున్‌ అభిమానులకు సర్‌ప్రైజ్‌ ఇచ్చారు. నేడు బన్ని గారాలపట్టి అర్హా మొదటి పుట్టినరోజు. ఈ సందర్భంగా తన చిట్టితల్లికి పుట్టినరోజు శుభాకాంక్షలు చెబుతూ బన్ని తన ఇన్‌స్టాగ్రామ్‌ ఖాతాను తెరిచారు.ఇన్‌స్టాగ్రామ్‌ ఖాతా తెరిచాక బన్ని పోస్ట్‌ చేసిన మొదటి ఫొటో అర్హాదే.‘నా చిట్టి ఏంజెల్‌కి పుట్టినరోజు శుభాకాంక్షలు. అప్పుడే నీకు ఏడాది నిండిందంటే నమ్మలేకపోతున్నాను.’ అని పేర్కొంటూ ఫస్ట్‌బర్త్‌డే, అల్లుప్రిన్సెస్‌, ఫస్ట్ పోస్ట్‌ అన్న హ్యాష్‌ట్యాగ్‌లు జత చేశారు.
తన కుమార్తె పుట్టినరోజు సందర్భంగా బన్ని ఈరోజు తన ఇన్‌స్టాగ్రామ్‌ఖాతాను తెరుస్తానని రెండు రోజుల క్రితమే వెల్లడించారు. పాప ఫొటో పోస్ట్‌ చేసిన కొద్ది నిమిషాల్లోనే మూడు వేలకు పైగా లైక్‌లు వచ్చాయి. ప్రస్తుతం అర్జున్‌ ‘నా పేరు సూర్య నా ఇల్లు ఇండియా’ చిత్రంలో నటిస్తున్నారు. ఈ చిత్రానికి వక్కంతం వంశీ దర్శకత్వం వహిస్తున్నారు. ఇందులో బన్నికి జోడీగా అను ఇమ్మాన్యుయేల్‌ నటిస్తున్నారు. 2018లో ఈ సినిమా ప్రేక్షకుల ముందుకు రానుంది.
