త్రివిక్రమ్ దర్శకత్వం వహించిన తాజా చిత్రం “అరవింద సమేత వీర రాఘవ” మూవీ భారీ కలెక్షన్లతో రికార్డు సృష్టిస్తోంది. ఈ సినిమాతో హిట్ కొట్టిన మాటల మాంత్రికుడు ఇప్పుడు మరో ప్రాజెక్టుతో బిజీ కాబోతున్నారు.
స్టైలీష్‌ స్టార్ అల్లు అర్జున్ తో సినిమా తీసేందుకు కథను సిద్దం చేస్తున్నారు. గతంలో బన్నీతో జులాయి,సన్నాఫ్ సత్యమూర్తి సినిమాలను తెరకెక్కించిన త్రివిక్రమ్ భారీ హిట్ కొట్టారు. ఈ నేపథ్యంలో అల్లు అర్జున్ కి హ్యాట్రిక్ హిట్ ఇచ్చేందుకు సిద్ధమవుతున్నారు. అయితే ఈ సారి త్రివిక్రమ్ ఎలాంటి కథతో వస్తారు అన్నదానిపై మాత్రం సస్పెన్స్ నెలకొంది.
ఇక.. రెండు ప్రాజెక్టులతో ప్రభాస్ బిజీగా ఉండగా.. మహేష్ బాబు కూడా తన 25వ సినిమా వ్యవహారాల్లో ఉన్నాడు. రాజమౌళి దర్శకత్వంలో ఎన్టీఆర్ తదుపరి చిత్రం రాగా.. బోయపాటి డైరెక్షన్ లో రాంచరణ్ తీరికలేకుండా గడుపుతున్నారు. ఇలా.. దర్శకులంతా ఎవరి పనుల్లో వారు ఉండగా.. ఇప్పుడు అల్లు అర్జున్ దృష్టంతా మాటల మాంత్రికుడిపైనే ఉందని ఫిల్మినగర్ టాక్..
