తెలుగు బుల్లి తెర ద్వారా తెలుగు ప్రేక్షకులకి పరిచయమైన నటి హరితేజ. ఇక తాజాగా బిగ్ బాస్ షోతో మరింత పాపులర్ అయ్యింది. ఈ అమ్మడు ఇప్పుడు సినిమాలతో పాటు.. యాంకర్‌గా కూడా వరుస అవకాశాలను కొట్టేస్తుంది. తాజాగా హరితేజ అల్లు శిరీష్ నటించిన ఒక్క క్షణం మూవీ ప్రీరిలీజ్ ఈవెంట్ కు యాంకర్ గా వ్యవహరించింది.
ఈ పంక్షన్ లో హరితేజకు ఊహించని అనుభూతి మిగిలింది. ఈ ఈవెంట్ కు స్టైలిష్ స్టార్ అల్లు అర్జున్ హాజరయ్యాడు. సినిమా గురించి అంతా మాట్లాటడం పూర్తయ్యాక హరితేజ గురించి ప్రత్యేకంగా ప్రస్తావించాడు అల్లు అర్జున్. ‘‘నాకు చాలా ఇష్టమైన ఆర్టిస్ట్ హరితేజ. ఇంతకుముందు ఎప్పుడూ చెప్పలేదు. అందులోనూ నాకు తెలుగు ఆర్టిస్టులంటే అభిమానం ఎక్కువ. ఎక్స్ ట్రా ఆర్టినరీ ఆర్టిస్ట్. ఎంతో స్పాంటేనియస్ ఉన్న లేడీ. ఈ ఈవెంట్ చాలా చక్కగా హోస్ట్ చేసిందంటూ’’ ఆమెను పొగడ్తలతో ముంచెత్తాడు. ఈ ఫంక్షన్ లో అల్లు అర్జున్ కు తాను ఫ్యాన్ అంటూ హరితేజ చెప్పిన మాటలు గుర్తు చేస్తూ.. వేరే ఫంక్షన్ లో వేరే హీరోల పేరు చెబితే మీకు ఫోన్ చేస్తా అంటూ స్వీట్ వార్నింగ్ ఇచ్చాడు బన్నీ. ఎనీ సెంటర్ మీ పేరే అంటూ హరితేజ కూడా స్పాంటేనియస్ గా బదులిచ్చింది.
మొత్తానికి ఒక్క క్షణం మూవీ ప్రీరిలీజ్ ఈవెంట్ లో స్టార్ హీరో అల్లు అర్జున్ తనను ప్రశంసించడంతో హరితేజ ఆనందానికి అవధులు లేకుండా పోయాయి. హరితేజ ఇప్పటికే త్రివిక్రమ్ శ్రీనివాస్ లాంటి సక్సెస్ ఫుల్ డైరెక్టర్ దృష్టిలో పడి మంచి గుర్తింపు తెచ్చుకుంది. ఇప్పుడు ఒక్క క్షణం ఈవెంట్ కూడా సక్సెస్ ఫుల్ గా హోస్ట్ చేసి అల్లు అర్జున్ నుంచి అప్లాజ్ అందుకుంది.
