తాతయ్యను మిస్సవుతున్నాం: అల్లు అర్జున్‌

తెలుగు ప్రేక్షకులకు ఎంతగానో దగ్గరయిన అల్లు రామలింగయ్య జయంతి నేడు. ఈ సందర్భంగా అల్లు రామలింగయ్య మనువలు, ప్రముఖ సినీ నటులు అల్లు అర్జున్, అతని సోదరుడు  అల్లు శిరీష్ ఆయన్ని గుర్తుచేసుకున్నారు. ‘ఈరోజు మా తాతయ్య జయంతి.

మేము ఈ స్థాయిలో ఉన్నామంటే అందుకు కారణం ఆయనే. ఆయన్ని ఎప్పటికీ మిస్ అవుతూనే ఉన్నాం’  అని అల్లు అర్జున్ అన్నాడు. అల్లు శిరీష్ కూడా తాత రామలింగయ్యని గుర్తు చేసుకున్నారు. ‘ఆయన్ని గుర్తుచేసుకుంటూ అభినందనలు తెలుపుతున్నవారందరికి ధన్యవాదాలు. ఐదు దశాబ్దాల్లో 1013 చిత్రాల్లో నటించిన ఆయన తెలుగు ప్రేక్షకులకు ఎంతగానో వినోదాన్ని పంచిపెట్టారు’ అని అల్లు శిరీష్ పేర్కొన్నాడు.