అల్లు అర్జున్..టాలీవుడ్ లో ఇయనొక ప్రత్యేక గుర్తింపు తెచ్చుకున్న నటుడు. మాస్ మసాల సినిమాలలో నటిస్తూ వరుస హిట్లతో దూసుకుపోతున్నాడు. వక్కంతం వంశీ దర్శకత్వంలో ప్రయోగాత్మకంగా తెరక్కెక్కుతున్న తాజా చిత్రం ‘నా పేరు సూర్య నా ఇల్లు ఇండియా’ . ఈ సినిమాపై భారీ అంచనాలే ఏర్పడ్డాయి. ఈ చిత్రం తర్వాత బన్నీ ఇంకా ఏ సినిమాను చేస్తున్నాడనే దానిపై ఇంకా పూర్తి క్లారిటీ లేదు. కాకపోతే ప్రయోగాత్మక చిత్రాల దర్శకుడు క్రిష్ తో ఒక సినిమా చేయనున్నట్లు తెలుస్తోంది.
గతంలో క్రిష్, బన్నీ కలయికతో వచ్చిన చిత్రం వేదం. ఈ సినిమా కమర్షియల్ గా విజయం సాధించనప్పటికి ప్రత్యేక గుర్తింపును మాత్రం మూటగట్టుకుంది. ఈ సినిమాలో అనుష్క, అల్లు అర్జున్ నటనకు మంచి మార్కులే పడ్డాయి. ఇక క్రిష్ విషయానికొస్తే ప్రస్తుతానికి బాలీవుడ్ చిత్రం మణికర్ణిక షూటింగ్ లో బిజీగా ఉన్నాడు. ఈ సినిమా అనంతరం బన్నీతో కొత్త చిత్రాన్ని పట్టలెక్కించనున్నారు.
