అల్లు అర్జున్‌, పవన్ కళ్యాణ్‌ ఫ్యాన్స్ మధ్య రగడ రోజురోజుకూ ముదురుతూనే ఉంది. అల్లు అర్జున్‌ మీద ఉన్న కోపాన్ని పవన్ ఫ్యాన్స్ ‘డీజే’ టీజర్ పై తీర్చుకుంటున్నారు. పవన్ ఫ్యాన్స్ ఇంత చేస్తున్నా.. బన్ని మాత్రం పవన్ ని వదలడంలేదు. బన్ని టీజర్ కి అదే పనిగా డిజ్ లైక్‌లు పడుతున్నా..బన్ని’డీజే’ ట్రాక్‌ మాత్రం తప్పట్లేదు.
‘డీజే’ టీజర్ ప్రస్తుతం సౌత్ ఇండియాలో అత్యధిక ‘డిజ్ లైక్స్’ తెచ్చుకున్న టీజర్‌గా రికార్డు సృష్టించడం విశేషం. ఐతే ఈ వ్యతిరేకత మాట ఎలా ఉన్నా.. ‘డీజే’ టీజర్ యూట్యూబ్ లో అదిరిపోయే రెస్పాన్స్‌తో దూసుకెళ్తోంది. పవన్ అభిమానులు అంతగా వ్యతిరేకిస్తున్న ‘డీజే’ టీజర్ మాత్రం పవన్ సినిమా ‘కాటమరాయుడు’ టీజర్ వెనుకే నిలవడం విశేషం.
దీన్నిబట్టే తెలుస్తోంది బన్ని టీజర్ కి ఎంత రెస్పాన్స్‌ ఉందో..! అయితే ‘కాటమరాయుడు’ టీజర్ టాలీవుడ్ టీజర్ రికార్డులన్నింటినీ బద్దలు కొట్టేసిన సంగతి తెలిసిందే. ఫాస్టెస్ట్ 1 మిలియన్..నుంచి 4 మిలియన్.. వరకు..ఈ రికార్డులన్నీ ‘కాటమరాయుడు’ పేరిటే ఉండగా.. ప్రతి చోటా రెండో స్థానం ‘డీజే’ టీజర్‌దే కావడం విశేషం.
అంతే కాదు.. ‘కాటమరాయుడు’ తర్వాత లక్ష లైక్స్ కొట్టించుకున్న టీజర్ కూడా ఇదే అయింది. ‘కాటమరాయుడు’ 82 లక్షలకు పైగా వ్యూస్, 2 లక్షలకు పైగా లైక్స్‌తో అగ్రస్థానంలో ఉంది. ఇదిలా ఉండగా ప్రస్తుత పరిస్థితి చూస్తుంటే..మాత్రం ‘డీజే’ టీజర్‌కు డిజ్ లైక్స్ కొట్టడం కోసమని పవన్ ఫ్యాన్స్ కూడా ఈ టీజర్‌కు వ్యూస్ పెంచుతున్నట్లుగా ఉంది.
