టాలీవుడ్‌ డైరెక్టర్‌ పూరి జ‌గ‌న్నాథ్-ఎన్టీఆర్ కాంబోలో తెర‌కెక్కిన చిత్రం ‘టెంప‌ర్’. ఈ సినిమా ఎంత ఘ‌న విజ‌యం సాధించిందో ప్ర‌త్యేకంగా చెప్ప‌న‌క్క‌ర్లేదు. అయితే ఈ సినిమా ప్ర‌స్తుతం త‌మిళంలో విశాల్ హీరోగా ‘అయోగ్య’ అనే టైటిల్‌తో రీమేక్ అవుతుంది. ఇటీవల ఈ సినిమా నుండి ఫస్ట్‌లుక్‌,టీజర్‌కు ప్రేక్షకుల నుండి మంచి ఆదరణ లభిస్తుంది. ఈ నేపథ్యంలో ఈ మూవీపై భారీ అంచనాలు పెరిగాయి.
అయితే సినిమాకు మరింత గ్లామర్‌ యాడ్‌ చేసే పనిలో ఉన్నారు చిత్రయూనిట్‌. అల్లు అర్జున్‌ సరైనోడు సినిమాలో బ్లాక్‌ బస్టర్ సాంగ్‌ను అయోగ్యలో రీమిక్స్‌ చేసేందుకు ప్లాన్ చేస్తున్నారు. సరైనోడు సినిమా రీమేక్ రైట్స్‌ కూడా విశాల్ దగ్గరే ఉండటంతో బ్లాక్‌ బస్టర్ సాంగ్‌ను రీమిక్స్‌ చేయాలని నిర్ణయించుకున్నారు. ఈ సాంగ్‌లో విశాల్‌కి జోడీగా శ్రద్ధాదాస్ ఆడిపాడనుంది. ఇప్పటికే మేజర్‌ పార్ట్‌ షూటింగ్ పూర్తి చేసుకున్న ఈ చిత్రాన్ని ఏప్రిల్‌లో రిలీజ్ చేయడానికి సన్నాహాలు చేస్తున్నారు.
